कोभिड १९ भाइरसका कारण दुई जापानी वृद्धवृद्धाको मृत्यु

जीवनशैली फागुन ८, २०७६ ९:०७ AM

कोभिड १९ भाइरस भेटिएको डाइमण्ड प्रिन्सेस क्रुज जहाजका दुई यात्रीको मृत्यु भएको छ। जापानी अधिकारीले बिहीबार दिएको जानकारीअनुसार क्वारेन्टाइनका लागि राखिएको उक्त जहाजका दुई जापानी वृद्धवृद्धाको मृत्यु भएको हो। मृत्यु हुनेमा ८७ वर्षीय पुरुष र ८४ वर्षीय महिला छन्, जो पहिल्यै संक्रमित थिए। परीक्षणबाट कोभिड १९ देखिएपछि उनीहरुलाई चिकित्सा केन्द्रमा पठाइएको थियो, त्यहाँ उनीहरुको मृत्यु भएको हो। योसँगै जापानमा कोरोना भाइरसबाट मृत्यु हुनेको सङ्ख्या तीन पुगेको छ।