कोरोनाबाट २८ सयले गुमाए ज्यान, २४ घण्टामा कहाँ के के भए?

जीवनशैली फागुन १५, २०७६ १:३७ AM

---

चीनमा काेराेना भाइरसले बुधबार थप २९ जनाकाे ज्यान लिएकाे छ ।हिजाे बुधबार ४ सय ३५ जना काेराेना भाइरसका नयाँ विरामी भेटिएकाे छ । याे संगै काेराेनाका चीनमा सबै भन्दा बढि ७८ हजार ४ सय ९९ जना ब्यक्तिलाई कोरोना भाइरसको संक्रमण देखिएको छ ।चीनमा मात्रै २ हजार ७ सय ४४ काे मृत्यु भएकाे छ भने काेराेना भाइरसबाट ज्यान गुमाउनेका संख्या २८ सय पुगेकाे छ ।

जापानमा थप दुईको ज्यान गयाे

कोरोना भाइरसले बुधबार जापान थप दुईको ज्यान लिएको छ । यस अघि जापानमा एक र जापानको सामुन्द्रिक जहाज डायमण्ड प्रिन्समा चार जना गरी पाँच जनाको ज्यान गएको थियो । यो संगै जापानमा कोरोना भाइरसको संक्रमणबाट ज्यान गुमाउनेको संख्या सात पुगेको छ । जापानमा कोरोना संक्रमितको संख्या ८ सय ७७ पुगेको छ । हिजो जापानमा थप ११ र डायमण्ड प्रिन्समा थप १४ जनामा कोरोनाको संक्रमण सकारात्मक पाईएको हो ।
पाकिस्तानमा पनि कोरोना
कोरोना भाइरसको संक्रमण पाकिस्तान पनि पुगेको छ । बिहिबार विहान पाकिस्तानमा पनि दुई जनामा कोरोना भाइरसको संक्रमण देखिएको पाकिस्तानले बताएको छ । यो पाकिस्तानमा पाईएको पहिलो केश रहेको बताईएको छ ।
नर्वेमा पनि पुग्यो
विश्वव्यापी बन्दै गएको कोरोना भाइरसको संक्रमण नर्वे सम्म पुगेको छ । नर्वेको स्थानीय अधिकारीका अनुसार बुधबार एक जनामा कोरोना भाइरसको संक्रमण भेटिएको खुलासा गरेको हो । पछिल्लो हप्ता चीनबाट फर्केका एक ब्यक्तिमा कोरोना भाइरसको संक्रमण पाईएको हो । सुरुमा विरामी नदेखिए पनि एक हप्ता पछि भाइरसको संक्रमण देखिएको बताईएको छ ।

इटली र कोरीयामा ज्यान जानेको संख्या १२ पुग्यो
कोभिड-१९ का कारण युरोपेलि राष्ट्र इटलीमा ज्यान जानेको संख्या १२ पुगेको छ । बुधबार थप १ जनाको ज्यान गए पछि ईटलीमा कोरोना भाइरसको कारण मृत्यु हुनेको सख्या १२ पुगेको हो । बुधबार सम्म ईटलीको ४७० जनामा कोरोना भाइरसको संक्रमण पाईएको हो । हिजो बुधबार मात्रै ईटलीमा थप १४७ जना विरामीमा कोरोना भाइरसको संक्रमण देखिएको थियो । यस्तै एसियाली मुलुक कोरियामा पनि कोरोना भाइरसका कारण ज्यान गुमाउनेको संख्या १२ पुगेको छ । हिजो थप २८४ जनामा भाइरस सकारात्मक देखिएको हो। यो संगै दक्षिण कोरियामा कोरोना भाइरसको विरामाी १ हजार १ सय ६१ पुगेको छ ।

दक्षिण अमेरिकामा पनि पुग्यो

कोरोना भाइरस एसिया युरोप लगाएत पाँच महाद्धिप हुँदै दक्षिण अमेरिकामा समेत पुगेको छ । बुधबार ब्राजिलमा समेत कोरोना भाइरसको संक्रमण भेटिएको हो ।

इरानमा थप तीन जनाकाे मृत्यु

इरानमा बुधबार थप तीन जनाकाे मृत्यु भएकाे छ । १३९ जनामा कोरोना भाइरसको संक्रमण देखिएको इरानमा बुधबार थप १९ जनामा संक्रमण पाइएकाे हाे ।

युरोपका १२ राष्ट्रमा १३ जनाको मृत्यु
कोरोना भाइरसबाट युरोपमा १३ जनाको मृत्यु भएको छ । जस मध्ये इटली ११ जनाको ज्यान गइसकेको छ भने फ्रान्समा २ जनाको मृत्यु भएको छ । युरोपको सबै भन्दा बढी संक्रमण इटालीमा पाइएको छ । ३ सय ५७ जना संक्रमित भएको छ । यसै गरी जर्मनीमा १८ जना , फ्रान्समा १७ जनामा संक्रमण देखिएको छ । यु के मा १३, स्पेनमा १०, अस्ट्रीया, रसिया, क्रोएसियामा २-२ जनामा संक्रमण देखिएको हो । यस्तै स्विजरल्याण्ड, फिनल्याण्ड, स्विडेन र वेल्जीयममा १-१ जनामा कोरोना भाइरसको संक्रमण पाईएको छ ।

४८ देशमा कोराना
नोवल कोरोना भाइरसको संक्रमण ४८ देशमा पुगेको छ ।बुधबार जर्जिया, उत्तर म्यासेडोनिया,ग्रिस, रोमानियामा पनि कोरोना भाइरसको संक्रमण भएको पाइएको हो ।

याे पनि हर्नुहाेस्

मानव वस्ती भएका ६ वटै महादेशमा पुग्याे काेराेनाकाे संक्रमण

थप समाचार

कोरोनाविरुद्धको बुस्टर डोज लगाउन आग्रह

कोरोना संक्रमण दर शून्यमा झर्यो

थप एक जनामा कोरोना संक्रमण

थप ६ जनामा कोरोना पुष्टि

हाल नेपालमा सक्रिय कोरोना संक्रमित संख्या कति?

चीनमा कोभिड प्रतिबन्ध विरुद्धको प्रदर्शनमा प्रहरी दमन

थप २०३ जनामा काेराेना संक्रमण

थपिए २२७ जना कोरोना संक्रमित, एक जनाको मृत्यु

नेपालमा २३० कोरोना संक्रमित थपिँदा दुई जनाको मृत्यु

मुगुमा भिरबाट लडेर एक जनाको मृत्यु

नेपालमा थपिए एक सय ४२ कोरोना संक्रमित

देशभर २५७ जना कोरोना संक्रमित थपिए