विश्व नै कोरोना भाइरसबाट आक्रान्त भइरहेका बेला कलाकारहरु यसबाट पर रहने कुरै भएन । यस्तो बेलामा केही कलाकारले कोरोना भाइरसको सामना गर्न आर्थिक र भौतिक सहयोग गर्ने अभियान चलाइरहेका छन् । केही आफ्नो सिर्जनामार्फत नै महामारीविरुद्धको अभियानमा लागेका छन् ।
कोरोना भाइरसलाई बुझ्न र यसबाट जोगिन महत्वपूर्ण सन्देश प्रवाह गर्दै कलाकारले चलाएका सिर्जनात्मक अभियान यस्ता छन् ।
मानस साहूको ‘स्यान्ड आर्ट’
भारतीय कलाकार मानस साहूले सचेत रहे कोरोनालाई जित्न सकिने सन्देशसहित कलाकृति तयार पारेका छन् । साहू बालुवामा गरिने विभिन्न सिर्जनाका लागि प्रसिद्ध छन् । भारतको उडिसा राज्यको पुरीस्थित समुद्री किनारमा रहेको उनको ‘स्यान्ड आर्ट’मा लेखिएको छ, “कन्सियसनेस क्यान कन्क्योर कोरोनाभाइरस”, अर्थात् सचेतनाले कोरोनाभाइरसलाई जित्न सक्छ ।
आर्टमा ‘सेभ द चाइल्ड’
चिनियाँ कलाकार हे कुन आफ्ना कलाकृतिमा कोरोना भाइरसको प्रभावबारे चेतना जगाउन तल्लीन छन् । चीनमा कोरोना भाइरसको इपिसेन्टर बन्न पुगेको वुहान प्रान्तका जनतासँग कुनको ऐक्यबद्धता छ । कुनले बालबालिकाका मुद्दामा केन्द्रित “सेभ द चाइल्ड” नामक अभियान चलाइरहेका छन् ।
फुङको कला श्रृङ्खला
हङकङका कलाकार टम्मी फुङले कोरोना भाईरसविरुद्ध जनचेतनाका लागि कलाकृतिको श्रृङ्खला नै तयार पारेका छन् । उनले चेतनामूलक कलाकृति आफ्नो इन्स्टाग्राम मार्फत सार्वजनिक गर्दै आएका छन् ।
फुङको कलाकृतिमा सचेतनाका साथै व्यङ्यको समिश्रण पाइन्छ । उनको एक कलाकृतिमा मानिसको भीडलाई पीछा गरिरहेको मास्कधारी भयानक भाइरसको चित्र छ । आफ्नो कलामा प्रस्तुत हुने संकेतहरु अवास्तविक भएपनि त्यसले मानिसमा चेतना जगाउन महत्वपूर्ण भूमिका खेल्ने फुङको भनाई छ ।
मानिसहरु सरकारप्रति विश्वस्त हुन नसकेको र निराश भएको उनी बताउँछन् । सबैभन्दा जोखिममा रहेका गरिब र वृद्ध मानिसहरुले सरकारबाट यौटा मास्कसमेत पाउन नसकेको फुङको टिप्पणी छ ।
हानको ‘म्युरल’
चीनको साङ्घाई र अमेरिकाको लस एन्जलसमा रहने डिजाईनर दुयी हानको कलामा कोरोना भाईरस नियन्त्रणको लागि खटिने स्वास्थ्यकर्मीप्रति कृतज्ञता व्यक्त गरिएको छ । ‘सन्त वियर्स ह्वाइट’ हानले बनाएको भित्तेकला (म्युरल) हो । जसमा स्वास्थ्यकर्मीलाई ‘सन्त’को उपमा दिइएको छ ।
उनको कलामा सेतो रङको मेडिकल पहिरनमा हरियो मास्क लगाएका स्वास्थकर्मीको आकृति छ । जसको पृष्ठभूमिमा हुबेई प्रान्तको ऐतिहासिक पूजास्थल छ ।
(एजेन्सीको सहयोगमा)
क्याटेगोरी : कोरोना अपडेट
थप समाचार
ताजा अपडेट
- १ आज राष्ट्रिय टोपी दिवस मनाइँदै
- २ इस्वी संवतको नयाँ वर्ष सन् २०२५ शुरु
- ३ तिहारका पाँच दिन यमपञ्चक
- ४ धन्वन्तरी जयन्ती एवं आरोग्यता दिवस मनाइँदै
- ५ वडा दशैँ अन्तरगत टिका थाप्ने कम्र आज पनि जारी
- ६ दशैँ चहलपहल शुरु :शुभसाइतको प्रतीक फूलपाती भित्र्याइँदै
- ७ आज घटस्थापना, घरघरमा जमरा राखिँदै
- ८ हरितालिका तिज मनाइँदै
प्रतिक्रिया दिनुहोस