विश्वव्यापी महामारीको प्रकोपको रूपमा फैलिएको नोवल कोरोना भाइरस संक्रमितको संख्या चीनमा भन्दा स्पेनमा बढी देखिएको छ । आज स्पेनमा थप ५ हजार ८५ जना व्यक्तिमा नयाँ सङ्क्रमण पाइए पछि संक्रमितको संख्या चीनमा भन्दा स्पेनमा बढी देखिएको हो। स्पेनमा हाल सम्म ८५ हजार १ सय ९५ जनामा कोरोना भाइरसको सङ्क्रमण पाइएको छ ।
चीनमा कोरोना भाइरस संक्रमितकाे संख्या ८१ हजार ४ सय ७० रहेको छ । पछिल्लो समय स्पेनमा सङ्क्रमितको सङ्ख्या बढी रहेको छ भने चीनमा नियन्त्रणको अवस्थामा रहेको छ । स्पेनमा हाल सम्म ७ हजार ३ सय ४० जनाको ज्यान गएको छ । यता चीनमा भने ३ हजार ३ सय ४ जनामा कोरोना कारण मृत्यु भएको छ ।
कोरोना भाइरसबाट अहिले सबै भन्दा बढी अमेरिकामा १ लाख ४२ हजार मानिस संक्रमित छन भने दोस्रोमा इटलीमा ९७ हजार मानिसमा कोरोना भाइरसको संक्रमण देखिएको छ ।
क्याटेगोरी : कोरोना अपडेट
प्रतिक्रिया दिनुहोस