भारतको कर्नाटकको एक गाउँमा कोरोना संक्रमणको आशंकामा ४७ वटा बाख्रालाई क्वारेन्टिनमा राखिएको छ ।
कर्नाटकको तुमाकुरी जिल्लास्थित गोडेकेरे गाउँमा एकजना बाख्रा गोठालोलाई कोरोना संक्रमण पुष्टि भएको थियो । उनका चारवटा बाख्राको मृत्यु पनि भयो । यसबारे स्थानीय प्रशासनलाई जानकारी दिइयो ।
स्थानीय प्रशासनले पशु चिकित्सकहरुलाई बाख्रामा कोरोना परीक्षण गर्न नमूना संकलन गर्न पठायो । त्यसपछि बाख्राहरुलाई क्वारेन्टिनमा राखिएको हो । यद्यपि विशेषज्ञहरुले पशुमा कोरोना संक्रमण नहुने बताउँदै आएका छन् ।
कर्नाटकका पशुचिकित्सा विभागका सचिव पी मणिवन्ननले बीबीसीसँग भनेका छन्, ‘गाउँलेमा डर नहोस् भनेर हामीले बाख्रालाई क्वारेन्टिनमा राखेका छौं । विशेषज्ञहरुले जनावरमा कोरोना भाइरसले असर गर्दैन भने पनि हामीले कुनै पनि कुरालाई हल्का रुपमा लिँदैनौं । नमूनाको रिपोर्ट नआइन्जेल बाख्राहरु क्वारेन्टिनमै रहन्छन् ।’
कतिपयले भने जनावरबाट मानिसमा कोरोना संक्रमण नफैलिने जानकारी हुँदाहुँदै सरकारी अधिकारीहरुले गाउँलेहरुलाई गलत तरिकाले खुसी पार्न खोजेको भन्दै आलोचना गरेका छन् । उनीहरुले बाख्राहरुको मृत्युको कारण पत्ता लगाउन पोष्टमार्टम गर्न भनेका छन् ।
क्याटेगोरी : समाचार
थप समाचार
ताजा अपडेट
- १ हरितालिका तिज मनाइँदै
- २ हरितालिका तीज शुरु
- ३ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ४ ग्रीन ‘टी’ले आयु बढाउन मदत गर्छ : अनुसन्धान
- ५ आज गाईजात्रा
- ६ किन मृत्यु भएका घरबाट गाई निकालिन्छ
- ७ आज क्वाँटी खाने दिन; यस्ता छन् क्वाँटीका फाईदाहरु
- ८ आज जनै पूर्णिमा पर्व तथा रक्षाबन्धन मनाइँदै
प्रतिक्रिया दिनुहोस