कश्मीरमा कर्फ्यू , उच्च सुरक्षा सतर्कता

नयाँ दिल्ली– हालै भारत सरकारले जम्मू कश्मीर राज्यको विशेष राज्यका मान्यता खारेज गरेपछि कश्मीर उपत्यकामा छिटफुट प्रदर्शन भएका छन् ।
कश्मीरमा कफ्र्यु लागू गरिएको तथा अधिकांश राजनीतिक तथा धार्मिक नेताहरुलाई गिरफ्तार गरिएपछि कश्मीरमा छिटफुटमात्र प्रदर्शन भएको हो । ४ जना भन्दा धेरैलाई एकै ठाउँ भेला हुन प्रतिबन्ध लगाइएको र टेलिफोन इन्टरनेटसहितका सूचना तथा सञ्चारका माध्यम बन्द रहेकाले ती प्रदर्शनहरु संगठित भने हुन नसकेको भारतीय सञ्चारमाध्यमले जनाएका छन् ।
प्रदर्शनकारीले सुरक्षाकर्मीलाई लक्षित गरी ढुङ्गामुढा प्रहार गरेका थिए भने जवाफमा सुरक्षाकर्मीले अश्रुग्यास प्रहार गरेको बताइएको छ ।
कर्फ्यू लागेका कारण राजधानी श्रीनगरसहित कश्मीरका अधिकांश मुख्य शहरका बजार, पसल र कलकारखानाहरु बन्द रहेको बताइएको छ । गत सोमबार केन्द्र सरकारले भारतीय संविधानको धारा ३७० तथा ३५ ए खारेज गरी जम्मू कश्मीरलाई दिइएको विशेष राज्यको मान्यता खोसेपछि कश्मीरमा हाल उच्च सुरक्षा सतर्कता अपनाइएको छ ।
क्याटेगोरी : प्रवास
ताजा अपडेट
- १ आज भानु जयन्ती
- २ ग्रीन ‘टी’ले आयु बढाउन मदत गर्छ : अनुसन्धान
- ३ नयाँ वर्षः सुदूरपश्चिममा बिसु पर्व र पुतला खेलको रौनक
- ४ वायु प्रदूषणले बालबालिकाको मस्तिष्क विकासमा घातक असर
- ५ ब्ल्याक टी सेवन महिनावारीमा फाइदाजनक
- ६ बहुगुणी अदुवाको सेवनले गर्छ स्वास्थ्यको निम्ती यस्ता फाईदा
- ७ मानिस किन जागिर छाड्छन् ? यस्ता छन् ७ कारण
- ८ मुलाका फाइदाः मुटु रोगदेखि पाचन प्रणालीको समस्यासम्म मुक्ति
प्रतिक्रिया दिनुहोस