भारत / मनसुनको अन्तिममा वर्षासँगै आएको बाढीले भारतमा १ सयभन्दा बढी मानिसको मृत्यु भएको छ । केही बेपत्ता भएका छन् । भारतको उत्तर प्रदेश र बिहारमा अविरल वर्षापछि आएको बाढीले मानवीय तथा भौतिक क्षति भएको हो ।भारतीय सञ्चारमाध्यमहरूले जनाएअनुसार, बाढीले बिहीबारयता उत्तरप्रदेश राज्यमा मात्रै ९३ जनाको ज्यान गएको छ ।
बाढीले बिहारमा पनि तहसनहस पारेको छ । बिहीबारदेखि हालसम्ममा यो राज्यमा २९ ले ज्यान गुमाइसकेका छन् । दुवै राज्यमा केही मानिस घाइते भएको बताइएको छ । घाइतेमध्ये केही गम्भीर रहेकाले मृतकको संख्या थप बढ्ने अनुमान गरिएको छ ।
वर्षाले जनजीवन प्रभावित भएको छ । अधिकारीहरूका अनुसार रेलसँगै अन्य यातायात सेवा प्रभावित भएका छन् । अविरल वर्षापछि विद्यालय र स्वास्थ्य संस्थाले सेवा प्रवाह गर्न सकेका छैनन् भने विद्युत् आपूर्तिमा समेत समस्या भएको त्यहाँका सरकारी अधिकारीहरूले जनाएका छन् । समाचारमा जनाइएअनुसार बाढीले बिहारको मुख्य सहर पटना जलमग्न भएको छ । यहाँका आवासीय बस्तीहरू डुवानमा परेका छन् । सडकमा पानी जमेका कारण मानिसहरू डुंगा चढेको दृश्य सञ्चारमाध्यमहरूले प्रसारण तथा प्रकाशन गरिरहेका छन् । उत्तर प्रदेशका बनारसलगायत स्थान पनि बाढीको चपेटामा छन् । बनारसको पानीको निकास थुनिँदा जनजीवन प्रभावित भएको बीबीसीले जनाएको छ ।
क्याटेगोरी : प्रवास
थप समाचार
ताजा अपडेट
- १ मुलाका फाइदाः मुटु रोगदेखि पाचन प्रणालीको समस्यासम्म मुक्ति
- २ स्वस्थ बच्चालाई जन्म दिन गर्भावस्थामा आमाले के खाने ? के नखाने ?
- ३ शिशुलाई खुवाउनुहोस् दालको झोल, भरपुर आइरनसँगै मिल्नेछ पूर्ण पोषण
- ४ मह र लसुनबाट हुने फाइदाहरु
- ५ तपाई मुख स्वास्थ्यबारे कत्तिको सजक हुनुहुन्छ, ख्याल गर्नुस् है
- ६ के महिलाहरूले डिम्बग्रन्थिको क्यान्सरपछि गर्भधारण गर्न सक्छन् ?
- ७ बच्चाहरूको उचाई बढाउन डाइटमा समावेश गर्नुहोस् यी खानेकुरा
- ८ दाँत पलाउँदा बच्चाहरुलाई पखाला किन लाग्छ ?
प्रतिक्रिया दिनुहोस