इस्लामिक स्टेटका प्रमुख नेता अबु अबर अल–बग्दादी सैन्य आक्रमणमा मारिएको अमेरिकाको मिडियाले बताएका छन् ।
शनिबार सिरियाको उत्तर–पश्चिम भागमा संचालन भएको सैन्य कारबाहीमा वग्दादीको मृत्यु भएको सीएनएनले लेखेको छ ।
सीएनएनले एक वरिष्ठ अमेरिकी सैन्य अधिकारी र सैन्य कारबाहीबारे जानकार स्रोतले यो घटनाबारे जानकारी दिएको लेखेको छ ।
सुरक्षा अधिकारीका अनुसार सैन्य कारबाहीको क्रममा अमेरिकी सुरक्षाकर्मी र बग्दादीबीच जम्काभेट भएको थियो । त्यसपछि लगतै बग्दादीले आफूले लगाइरहेको आत्मघाती बम विस्फोट गरेका थिए ।
सैन्य कारबाही अमेरिकी सेनाको स्पेशल अपरेसन कमाण्डोले सञ्चालन गरेको थियो । सुरक्षा अधिकारीका अनुसार अल–बग्दादी लुकेको स्थान सीआईएले पहिचान गरेको थियो ।
बग्दादीको मृत्यु भएको हुन सक्ने समाचार पहिलो पटक न्युजवीकले ब्रेक गरेको थियो ।
अमेरिकी अधिकारीहरु अहिले डीएनए परिक्षणमार्फत शव अल–बग्दादीकै हो होइन पुष्टि गर्न लागेका छन् ।
इस्लामिक उग्रवादी संगठन आईएसका नेता अल–बग्दादी विगत पाँच वर्षदेखि भूमिगत छन् । यसअघि पनि बग्दादीको मृत्युको हल्ला चलेपछि अप्रिलमा आईएसको मिडिया शाखाले बग्दादीको एक भिडियो सार्वजनिक गरेको थियो।
अप्रिलको भिडियो सन् २०१४ जुलाईपछि सार्वजनिक दोस्रो भिडियो थियो ।
अबु बकर अल–बग्दादी सन् २०१० मा इस्लामिक स्टेट अफ इराक९आईएसआई०को नेता बनेका थिए । पछि आईएसआईले सिरियाको एक सैन्य समूहलाई समाहित गरेर समूहको नाम इस्लामिक स्टेट अफ इराक एण्ड लेभान्त९आईएसआईएस० पुनरनामाकरण गरेका थिए ।
शनिबार साँझ ट्रम्पले एक ट्वीट गर्दै लेखेका थिए, ‘भर्खरै एक ठूलो घटना भएको छ।’ मिडियाहरुमा बग्दादीको मृत्युको खबर सार्वजनिक भएपछि ट्रम्पको ट्वीटमा यही घटनालाई भन्न खोजेको अनुमान गरिएको छ ।
अमेरिकाको राष्ट्रपति कार्यालयले आइतबार पत्रकार सम्मलेन बोलाएको छ ।
क्याटेगोरी : प्रवास
थप समाचार
ताजा अपडेट
- १ तिहारका पाँच दिन यमपञ्चक
- २ धन्वन्तरी जयन्ती एवं आरोग्यता दिवस मनाइँदै
- ३ वडा दशैँ अन्तरगत टिका थाप्ने कम्र आज पनि जारी
- ४ दशैँ चहलपहल शुरु :शुभसाइतको प्रतीक फूलपाती भित्र्याइँदै
- ५ आज घटस्थापना, घरघरमा जमरा राखिँदै
- ६ हरितालिका तिज मनाइँदै
- ७ हरितालिका तीज शुरु
- ८ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
प्रतिक्रिया दिनुहोस