अफ्रिकी मुलुक मालीमा लडाकु समूहले गरेको आक्रमणमा परि २४ सैनिक मारिएका छन् । माली, निगरले गाओ सीमा क्षेत्रमा सञ्चालन गरेको संयुक्त सैनिक कारवाहीको क्रममा २९ जना सैनिक घाइते भएको बताइएको छ । माली सैनिकले निजरतर्फ १७ जना लडाकु मारिए र एक सय जनालाई पक्राउ गरेको जनाएको छ ।
मालीमा एक साताअघि मात्रै ५४ सैनिक मारिने गरि लडाकु समूहले आक्रमण गरेको थियो । सो आक्रमणलाई पछिल्लो दशकमा भएको सबैभन्दा ठूलो आक्रमणको रुपमा व्याख्या गरिएको छ । सोमबारको आक्रमणको विषयमा सबै विवरणहरु स्पष्टसँग आएको छैन । अधिकारीहरुले आक्रमण गर्ने समूह कुन हो भनेर केही जानकारी गराएका छैनन् । माली सेनाले आफ्नो ट्विटर एकाउन्टमा जलेका मोटर साइकलहरुको तस्वीर राखेको छ । सो घटनामा ७० मोटरसाइकल जलेको जनाएको छ ।
सन् २०१२ मा इस्लामिक पृथकतावादी समूहले विद्रोह शुरु गरेदेखि नै मालीमा हिंसात्मक घटना हुदै आएका छन् । त्यस क्रममा लडाकुहरुले थुप्रै शहरमाथि कब्जा जमाएका थिए । तर पछि फ्रान्सेली सैनिकको सहयोगमा मालीले ती शहरहरुमाथि नियन्त्रण गर्न सफल भयो ।
क्याटेगोरी : प्रवास
थप समाचार
ताजा अपडेट
- १ वायु प्रदूषणले बालबालिकाको मस्तिष्क विकासमा घातक असर
- २ ब्ल्याक टी सेवन महिनावारीमा फाइदाजनक
- ३ बहुगुणी अदुवाको सेवनले गर्छ स्वास्थ्यको निम्ती यस्ता फाईदा
- ४ मानिस किन जागिर छाड्छन् ? यस्ता छन् ७ कारण
- ५ मुलाका फाइदाः मुटु रोगदेखि पाचन प्रणालीको समस्यासम्म मुक्ति
- ६ स्वस्थ बच्चालाई जन्म दिन गर्भावस्थामा आमाले के खाने ? के नखाने ?
- ७ शिशुलाई खुवाउनुहोस् दालको झोल, भरपुर आइरनसँगै मिल्नेछ पूर्ण पोषण
- ८ मह र लसुनबाट हुने फाइदाहरु
प्रतिक्रिया दिनुहोस