भारतको राजधानी दिल्लीको उत्तरपश्चिममा रहेको किराडी क्षेत्रमा एक कपडा गोदाममा आइतबार राती आगलागी हुँदा तीन बालबालिकासहित ९ जनाको मृत्यु भएको छ । घटनामा अन्य तीनजना गम्भीर घाइते रहेका छन् ।
दिल्लीको अग्निनियन्त्रक विभागका अनुसार आइतबार राती साढे १२ बजे आगलागीको सूचना आएको थियो । त्यसपछि आठवटा दमकल घटनास्थलमा पुगेर आगो निभाउने प्रयास गरेको थियो । बिहान करिब ३ बजेर ५० मिनेट जाँदा आगोमाथि नियन्त्रण पाइएको थियो ।
आगलागी कसरी भयो भन्ने विषयमा जाँच भइरहेको छ । यद्यपि, एक अधिकारीका अनुसार गोदाम रहेको भवनको दोस्रो तल्लामा सिलिन्डर विस्फोट भएको थियो । जसले गर्दा भवनको केही हिस्सा खसेको थियो ।
आगलागीको समय मानिसहरु गोदाममा सुतिरहेका थिए । एउटा सानो गल्लीभित्र गोदाम भएका कारण अग्निनियन्त्रकहरुलाई आगलागी नियन्त्रण गर्न समस्या भएको थियो ।
यसअघि, गत ८ डिसेम्बरमा दिल्लीको अनाज मन्डी रहेको फ्याक्ट्रीमा आगलागी हुँदा ४३ जनाको मृत्यु भएको थियो । मृत्तकमध्ये २५ जना बिहारका थिए ।
क्याटेगोरी : प्रवास
थप समाचार
ताजा अपडेट
- १ आज भानु जयन्ती
- २ ग्रीन ‘टी’ले आयु बढाउन मदत गर्छ : अनुसन्धान
- ३ नयाँ वर्षः सुदूरपश्चिममा बिसु पर्व र पुतला खेलको रौनक
- ४ वायु प्रदूषणले बालबालिकाको मस्तिष्क विकासमा घातक असर
- ५ ब्ल्याक टी सेवन महिनावारीमा फाइदाजनक
- ६ बहुगुणी अदुवाको सेवनले गर्छ स्वास्थ्यको निम्ती यस्ता फाईदा
- ७ मानिस किन जागिर छाड्छन् ? यस्ता छन् ७ कारण
- ८ मुलाका फाइदाः मुटु रोगदेखि पाचन प्रणालीको समस्यासम्म मुक्ति
प्रतिक्रिया दिनुहोस