खलङ्गा, २८ वैशाख \जुम्लास्थित कर्णाली स्वास्थ्य विज्ञान प्रतिष्ठान शिक्षण अस्पतालमा निर्माण भएका आइसोलेशन, आइसियु, पिसिआर मेसिनलगायत संरचनाको अनुगमन गर्न कर्णाली प्रदेशका मुख्यमन्त्री महेन्द्रबहादुर शाहीसहितको टोली जुम्ला पुगेको छ । सो अवसरमा मुख्यमन्त्री शाहीले सबै कर्णालीबासी मिलेर कोराना भाइरसविरुद्धको युद्ध जित्नुपर्ने बताउनुभयो । कोरोना भाइरसले कर्णालीमा पार्ने प्रभाव न्यूनीकरण गर्न प्रदेश सरकार निकै चनाखो भएर लागिपरेको मुख्यमन्त्री शाहीले बताउनुभयो । कर्णाली प्रदेश सरकारले सुर्खेतमा एक हजार क्वारेन्टाइन तयार गरेको छ । प्रत्येक जिल्ला र स्थानीय तहमा क्वारेन्टाइन बनाउनका लागि निर्देशनसमेत दिइएको र बाहिरबाट कर्णाली प्रदेशमा प्रवेशमा कडाइ गरिने मुख्यमन्त्री शाहीले बताउनुभयो । मुख्यमन्त्री शाहीका अनुसार कर्णाली प्रदेशका ७१८ वडामा स्वास्थ्यकर्मी परिचालन भइसकेका छन् । कम्तीमा एक वडाबाट १० जनाको स्वाब परीक्षण गर्न निर्देशन दिइएको उहाँले बताउनुभयो । स्वास्थ्यकर्मी गाउँमा गएर पालिकास्तरमा रहेका स्वास्थ्यकर्मीलाई तालीम दिएर स्वाब संकलन हुने छ । कोराना संक्रमण नदेखिएका क्षेत्रमा लकडाउन खोलिने नीति प्रदेश सरकारले लिने छ ।
एक सातासम्म सबै जिल्लामा स्वास्थ्यकर्मी परिचालन गर्ने र स्वाब परीक्षणको काम सकाएर नतिजाका आधारमा लकडाउन खोल्ने या बन्द गर्ने निष्कर्षमा पुगिने मुख्यमन्त्री शाहीले बताउनुभयो । सो अवसरमा सामाजिक विकासमन्त्री दल रावलले कोरोनाविरुद्ध सबैभन्दा लड्ने स्वास्थ्यकर्मी भएकाले प्रदेश सरकारले तिनलाई विशेष भत्तासमेतको व्यवस्था गरेको र प्रदेशभित्रका अस्पताललाई चाहिने स्वास्थ्य प्रयोगशालाको कमी नगरेको बताउनुभयो । सामाजिक विकास मन्त्रालयले प्रदेश भित्रका अस्पतालमा संचालनमा आएको कोरोना परीक्षण पिसिआर मेसिनको किट आवश्यक रुपमा खरिदसमेत गरी अस्पतालमा पुगिसकेको सामाजिकमन्त्री रावलले बताउनुभयो । सो अवसरमा प्रमुख सचिव टेकनारायण पाण्डे र स्वास्थ्य निर्देशक रीता जोशीको पनि उपस्थिति थियो । हुम्लामा मन्त्री रावल जुम्लास्थित प्रतिष्ठानका शिक्षण अस्पतालका चिकित्सकलाई लिएर कर्णाली प्रदेशका सामाजिक विकासमन्त्री रावल हुम्ला पुग्नुभएको छ । कोरोना भाइरसको प्रतिकार्य रोकथाम तथा नियन्त्रणलाई प्रभावकारी बनाउन कर्णाली प्रदेशका १० वटै जिल्लामा स्वास्थ्यकर्मी परिचालन गरिएको छ ।
हिमाली जिल्लामा एयर लिफ्टिङ गरेर चिकित्सक पठाइरहेको मन्त्री रावलले बताउनुभयो । कर्णाली प्रदेशअन्तर्गत १० जिल्लाका २७ ठाउँमा चिकित्सक तथा स्वास्थ्यकर्मीको टोली परिचालन गरिएको छ । मन्त्री रावलका अनुसार प्रदेश सरकारले शनिबार डोल्पामा स्वास्थ्यकर्मी पठाइसकेकामा आज हुम्लामा एयर लिफ्टिङ गरेर चिकित्सक टोली पठाएको छ ।
क्याटेगोरी : समाचार
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस