रुपन्देही, ९ असार/ प्रदेश नं ५ का ८३० पत्रकारको कोरोना बीमा गरिएको छ । नेपाल पत्रकार महासंघ प्रदेश नं ५ को समन्वय र आन्तरिक मामिला तथा कानून मन्त्रालयको आर्थिक सहयोगमा प्रदेशका १२ वटै जिल्लाका क्रियाशील पत्रकारको बीमा गरिएको हो ।
आन्तरिक मामिलामन्त्री कुलप्रसाद केसीको उपस्थितिमा बीमासम्बन्धी सम्झौतामा महासंघ प्रदेशका उपाध्यक्ष भरत केसी र शिखर इन्सुरेन्स कम्पनी बुटवलका प्रबन्धक किरण काफ्लेले हस्ताक्षर गर्नुभयो । सो अवसरमा कार्यक्रममा आन्तरिक मामिलामन्त्री केसीले संकटका बेला सरकार र समुदायको हतियार मिडिया भएकाले तिनको सुरक्षाको दायित्व सरकारको भएको बताउनुभयो ।
उहाँले कोरोना भाइरसको महामारीका कारण सञ्चारसंस्थामा पारेको प्रभावबारे छलफल गरिने बताउँदै संकटका बेला सरकार साथमा छ भन्ने अनुभूति सबैलाई गराइने धारणा राख्नुभयो । मन्त्रालयका सचिव रविलाल पन्थले विपद्का समयमा समेत समाचार संकलनमा खट्ने पत्रकारलाई बीमाले राहत प्रदान गर्ने विश्वास व्यक्त गर्नुभयो ।
महासंघ प्रदेशका उपाध्यक्ष केसीले महामारीका बेला पत्रकारले अग्रभागमा रहेर काम गर्दा सङ्क्रत्रमणको जोखिम हुन सक्ने अवस्थालाई ध्यानमा राखी कोरोना बीमा गरिएको बताउनुभयो । बीमा गरिएको १५ दिनपछि कुनै पत्रकारलाई कोरोना सङ्क्रमण देखिएमा बीमा कम्पनीले रु एक लाख दिने जनाइएको छ ।
क्याटेगोरी : समाचार
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस