प्रधानमन्त्री केपी शर्मा ओलीले अभिभावकत्व लिएका ठिल्लेले अभावका कारण विद्यालय छाडिन्
एक समय प्रधानमन्त्री, मन्त्रीहरु एंव सांसदहरुका साथै प्रदेशका मुख्यमन्त्री र मन्त्रीहरुले गरीब र असहाय परिवारका बालबच्चाको अभिभावकत्व ग्रहण गर्ने फेसन चलेको थियो । तर ती अभिभावकत्व ग्रहण गरेका बालबालिकाको अवस्था अहिले कस्तो छ भन्नेबारे सम्बन्धित सबै बेखबर भएको पाइएको छ ।
प्रधानमन्त्री केपी शर्मा ओलीले मुगुकी ठिल्ले साङमु लामाको अभिभावकत्व ग्रहण गर्नुभएको थियो । त्यसै गरी उहाँकी धर्मपत्नी राधिका शाक्यले पनि छिरिङ टेन्जोङ लामालाई अभिभावकत्व ग्रहण गर्नुभएको थियो । त्यस्तै पूर्णशिक्षामन्त्री गिरिराजमणि पोखरेलले अभिभावकत्व गर्नुभएकी छोरी र अन्य मन्त्री सांसदहरुले अभिभावकत्व गरेका बच्चाहरुको दयनीय अवस्था रहेको पाइएको छ ।
प्रधानमन्त्री ओलीले अभिभावकत्व ग्रहण गरेर छोरी सरह बनाउनुभएको मुगुकी ठिल्ले साङमु अहिले अभाव र तनावका कारण विद्यालय जानै छाडेकी छिन् । ३ वर्षअघि अभिभावकत्व ग्रहण गरेपछि प्रधानमन्त्री ओलीले ठिल्लेको परिवारलाई जम्मा २० हजार नगद र केही लत्ताकपडा पठाउनुभयो । तर खर्चको अभावमा र विद्यालय जाँदा एंव गाउँघर पुग्दा सबैले प्रधानमन्त्रीकी छोरी भनेर गिल्ला गरिदिँदा तनावमा परेर ठिल्ले विद्यालय जानै छाडेकी हुन् । अभाव र तनावका कारण निकै तीक्ष्ण क्षमता भएकी ठिल्लेको विद्यालय यात्रा टुंगिने चिन्तासम्म बढेको छ । यसले अभिभावकत्व ग्रहण गरिएका बाँकी बालबालिकाको अवस्था के होला सहजै बुझ्न सकिने अवस्था पनि देखिएको छ ।
क्याटेगोरी : समाचार
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस