अब फेसबुकमा आफ्नो पोस्ट पब्लिक (सबैले देख्नसक्ने), फ्रेन्ड्स (साथीहरुले मात्र देख्न सक्ने), निश्चित साथीहरुले मात्र देख्न सक्ने वा आफूले मात्र हेर्न सक्नेगरी नियन्त्रण गर्न मिल्ने भएको छ । आफुले पब्लिक गरेको पोस्टमा कसले कमेन्ट गर्न पाउने भन्ने कुरा समेत नियन्त्रण गर्न सकिने भएको छ ।
यसरी नियन्त्रण गर्नुहोस् आफ्नो फेसबुकको कमेन्टः
सुरुमा फेसबुक एप खोलेर दायाँ कुनामा रहेको तीन वटा धर्सा भएको मेनु बटनमा थिच्नुहोस् । अब थोरै तल स्क्रोल गरेर र सेटिङ एन्ड प्राइभेसी भित्र रहेको सेटिङमा ट्याप गर्नुहोस् । बिस्तारै स्क्रोल गर्दै जानुहोस् र प्राइभेसी अन्तर्गत रहेको पब्लिक पोस्टमा प्रवेश गर्नुहोस् ।
अब त्यसको सुरुमा रहेको ‘हु क्यान फलो मि’ लाई पब्लिक बनाउनुहोस् । त्यसपश्चात पब्लिक पोस्ट कमेन्टमा गएर आफ्नो पब्लिक गरेको पोस्टमा कसले (पब्लिक, फ्रेन्ड्स अफ फ्रेन्ड्स वा फ्रेन्ड्स) कमेन्ट गर्न पाउने छनौट गर्नुहोस् ।
अब फेरी स्क्रोल गर्नुहोस् र पब्लिक प्रोफाइल इन्फोमा जानुहोस् । यसमा तपाईंले आफ्नो सधैं पब्लिक रहने प्रोफाइल पिक्चर, प्रोफाइल भिडियो, कभर फोटो, फिचर फोटो र बायोमा कसले (पब्लिक, फ्रेन्ड्स अफ फ्रेन्ड्स वा फ्रेन्ड्स) लाइक, कमेन्ट गर्न पाउने छनौट गर्नुहोस् ।
पोस्टको कमेन्ट छुट्टा छुट्टै नियन्त्रण गर्ने तरिकाः
आफ्नो मोबाइलमा फेसबुक खोलेर आफूले कमेन्ट नियन्त्रण गर्न चाहेको पोस्टमा जानुहोस् र त्यसको माथि दायाँ कुनामा रहेको तीन वटा थोप्लामा दबाउनुहोस् ।
अब त्यहाँ ‘हु क्यान कमेन्ट अन योर पोस्ट’ अप्सन छानौट गर्नुहोस् । त्यसभित्र रहेको पब्लिक, फ्रेन्ड्स अथवा आफूले मेन्सन गरेको प्रोफाइल वा पेजलाई रोज्नुहोस् । यसरी सेट गरिसकेपछि छनौट गरिएका व्यक्ति वा पेजले मात्र तपाईंको पोस्टमा कमेन्ट गर्न सक्नेछन् । जसका कारण तपाईंका निश्चित पोस्टमा अपरिचित व्यक्तिले कमेन्ट गर्न सक्ने छैनन् ।
क्याटेगोरी : प्रविधी शैली
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस