• जीवनशैली | Jiwanshaili
  • मेक्सिकोमा मेट्रो रेलको ओभरपास भत्किँदा २३ जनाको मृत्यु


    एजेन्सी । मेक्सिकोमा मेट्रो रेलको ओभरपास भत्किँदा २३ जनाको मृत्यु भएको छ । दुर्घटनामा अन्य ७० जनाभन्दा धेरै घाइते भएका छन् ।

    रेल चलिरहेको बेला ओभरपास भत्किँका रेलका डब्बाहरू तल सडकमा खसेका र व्यस्त सडकमा रेलका डब्बाहरू खस्दा मानिस र कारलगायतलाई किचेको बीबीसीले जनाएको छ । राजधानी मेक्सिको सहरमा भएको दुर्घटनामा परेकाहरूको अहिले उद्धार भइरहेको छ । ओलिभस स्टेशनको १२ औँ लाइन भत्किएको खबरमा उल्लेख गरिएको छ ।

    यो लाइनमा सन् २०१७ को भूकम्पबाट क्षति पुगेको थियो । मर्मतपछि खुलाइएको ओभरपासलाई लिएर टिकाटिप्पणी हुँदै आएको थियो । दुर्घटनास्थलमा पुगेका मेक्सिको सहरका मेयर क्लाउडिया शेनबमले घटनाबारेमा अनुसन्धान गर्ने बताएका छन् ।


    क्याटेगोरी : प्रवास, समाचार

    प्रतिक्रिया दिनुहोस