नेपाली कांग्रेस दाङका नेता दीपक चौधरीको उपचारका क्रममा काठमाडौंमा निधन भएको छ । घोराही उप–महानगरपालिका वडा नं. ८ स्यानी गाउँ निवासी ४२ वर्षीय चौधरीको बुधबार बिहान निधन भएको नेपाली कांग्रेसका केन्द्रीय सदस्य योगेन्द्र चौधरीले जानकारी दिए ।
कोरोनाभाइरसको संक्रमण भएपछि चौधरीलाई एक हप्ता अगाडि काठमाडौंको कलंकीस्थित शहीद मेमोरियल अस्पतालमा भर्ना गरिएको थियो । दाङ कांग्रेसका सक्रिय नेता चौधरीलाई प्लाज्मा पद्धतिबाट पनि उपचार गरिएको थियो ।
चौधरी तत्कालीन फोरम लोकतान्त्रिकका दाङ जिल्लाका उप–सभापति थिए । नेपाली कांग्रेसमा पार्टी समायोजन भएपछि चौधरी पनि दाङ कांग्रेसमा सक्रिय थिए ।
कांग्रेस केन्द्रीय सदस्य चौधरीले दीपक चौधरीको निधनबाट आफू मर्माहत भएको जनाएका छन् । उनले भने, ‘कांग्रेसमा निकै सक्रिय व्यक्तिको कोरोनाभाइरसको संक्रमणबाट निधन भएको छ । उनको निधनले कांग्रेसलाई ठूलो नोक्सान भएको छ ।’ केन्द्रीय सदस्य चौधरीले दीपकको परिवारजनप्रति समवेदना प्रकट गरेका छन् ।
क्याटेगोरी : कोरोना अपडेट, समाचार
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस