सङ्घीय सांसदका ४ सांसद सहित ६ जनामा कोरोना सङ्क्रमण पुष्टि

सङ्घीय सांसदका ४ सांसद सहित ६ जनामा कोरोना सङ्क्रमण पुष्टि भएको छ । हिजो गरिएको पी. सी .आर .परीक्षणमा ४ जना सांसद र सङ्घीय सांसदका २ कर्मचारी गरी ६ जनाको कोरोना भाइरस पोजेटिभ आएको हो ।

सङ्क्रमित हुनेमा लक्ष्मणलाल कर्ण, रामबाबु यादव, नरमाया ढकाल र पार्वती डिसी चौधरी रहेका छन् ।

सबैको रिपोर्ट आउन बाँकी रहेको संसद् सचिवालयले जनाएको  छ । कोरोना परीक्षणमा सभामुख अग्नि प्रसाद सापकोटाको भने नतिजा नेगेटिभ आएको छ । यसै गरी सभामुखको सचिवालयमा कार्यरत कर्मचारीको पनि नेगेटिभ रिपोर्ट आएका हो । यही वैशाख २७ गते बस्न लागेको संसद्को अधिवेशनलाई मध्य नजर गर्दै सांसदका सबै सदस्य तथा कर्मचारी तथा सङ्घीय मामलाका पत्रकार सुरक्षाकर्मीको परीक्षण गरिएको थियो ।