पटक पटक भएको सहमतिका वावजुद उखुको बक्यौता रकम भुक्तानी नभएको भन्दै सरकारको ध्यानाकर्षण गराउन किसानहरु काठमाडौं आएका छन् । उखु उद्योगबाट अझै ४१ करोड रकम पाउन बाँकी रहेको भन्दै सर्लाही र नवलपरासीका किसान काठमाडौं आएका हुन् ।
२०७० सालदेखिकै रकम पाउन बाँकी रहेको उखु किसान संघर्ष समितिका सचिव हरीश्याम रायले जानकारी दिनुभयो । यो पटक सरकारको ध्यानाकर्षण मात्रै गएर फर्कने र त्यती गर्दा पनि रकम भुक्तानी नभए पुनस् आन्दोलनमा उत्रने रायले बताउनुभयो । अबको आन्दोलनका क्रममा भने खेती गर्दा लागेको ज्यालादेखि पाउनुपर्ने रकमको ब्याज समेत माग गर्ने रायको भनाई छ ।
समितिले आज दिउँसो १ बजे पत्रकार सम्मेलन गरी सरकारको ध्यानाकर्षण गराउने तयारी गरेको छ । सम्भव भएसम्म चिनी मिल उद्योगीसँग समेत भेट गरी ध्यानाकर्षण गराउने सचिव रायले बताउनुभयो । किसानलाई सर्लाहीको अन्नपूर्ण सुगर मिलले १२ करोड, महालक्ष्मी सुगरले १२ करोड, इन्दिरा सुगरले ४, श्रीराम र लुम्बिनीले समान ३र३ करोड, बागमती खाँडसरीले ५० लाख तथा सरकारी बक्यौता साढे ६ करोड रुपैयाँ भुक्तानी गर्न बाँकी छ ।
बक्यौता रकम भुक्तानीको माग गर्दै उखु किसानहरू २०७६ साल वैशाख ३१ यता निरन्तर आन्दोलन गरिरहेका छन् । यसअघि भएका आन्दोलनपछि सरकारले बक्यौता रकम तिर्न उद्योगीलाई दबाब दिएपनि पूर्ण रुपमा कार्यान्वयन नहुँदा आफ्नै रकम पाउन पनि किसानले पटक पटक आन्दोलन गर्नुपर्ने बाध्यता छ ।
क्याटेगोरी : समाचार
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस