रेट्रोफेटिङको विकल्प हुँदाहुँदै महाकवि लक्ष्मीप्रसाद देवकोटाको घर भत्काइएकोमा सम्पदाप्रेमी तथा लेखकहरूले नेपाल प्रज्ञा प्रतिष्ठानको कदमप्रति आपत्ति जनाएका छन् ।
पुरानै घरलाई संरक्षण गरेर संग्रहालय बनाउनुपर्नेमा भत्काएर गलत गरेको भन्दै सामाजिक सञ्जालमा अहिले विरोध गरिएको छ ।
आख्यानकार नयनराज पाण्डेले पनि प्रतिष्ठानको निर्णय भ्रष्ट, मुर्खतापूर्ण र बहुलठ्ठी भन्दै असन्तुष्टि जनाएका छन् । पाण्डे लेख्छन्-
‘हुन त नेपालमा प्रज्ञा प्रतिष्ठानका जागिरे प्राज्ञहरूसँग महाकवि देवकोटाको मूल घर भत्काएर नयाँ संरचना निर्माण गर्नुका अनेक तर्क होलान्, तर यो भ्रष्ट, मुर्खतापूर्ण र बहुलठ्ठी निर्णय हो । यस्तो दरिद्र सोचको निन्दा गर्छु ।’
यता कवि रमेश क्षितिजले पनि घर भत्काइएको कुरामा सहमत हुन नसकेको तर्क राखेका छन् । उनी लेख्छन्- हजार तर्क निकालिए पनि यो कार्यसँग सहमत हुन सकिन्न । सगरमाथा चढ्न कठिन भयो, टाढा भयो भनेर यतैतिर कृत्रिम हिमाल बनाए जस्तै हो यो कदम ।
यता संग्रहालय बनाउने जिम्मा पाएको नेपाल प्रज्ञा प्रतिष्ठानका तर्फबाट सदस्य सचिव डा. जगतप्रसाद उपाध्याय रेट्रोफिटिङबाट जोगाउन नसकिने भएकाले भत्काइएको बताउँदै आएका छन् ।
उनले भन्छन्, ‘प्राविधिकहरूको परामर्शमार्फत भत्काएर नयाँ बनाउन लागेका हौँ। सरकारको स्वीकृतिमै यो काम भइरहेको छ।’
काठमाडौँ महानगरपालिका–३०, मैतीदेवीस्थित कविकुञ्जले चर्चेको जग्गा सरकारले २ करोड ५० लाखमा किनेपछि नेपाल प्रज्ञा प्रतिष्ठानले प्राप्त गरेको थियो
नयाँ संग्रहालयको भवनको पहिलो तलामा देवकोटाले आफ्नो जीवनकालमा प्रयोग गरेका सामग्री राखिने छ । यस्तै उनले सुत्नका लागि प्रयोग गरेको पलङ, लगाएका कपडा, प्रयोग गरेका भाँडाकुँडा, औजार पनि त्यही तलामा हुनेछन् ।
दोस्रो तलामा देवकोटाले लेखेका सबै सामग्री रहनेछन् भने प्रकाशित पुस्तक र अप्रकाशित पाण्डुलिपी पनि त्यहाँ राखिने नेपाल प्रज्ञा प्रतिष्ठानले जनाएको छ ।
क्याटेगोरी : समाचार
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस