साउन २५, २०७९, काठमाडौँ, नेपाल ।
हिमालय एअरलाइन्स्द्वारा चीनको छिङदाओमा कूटनीतिक चार्टर उडान सञ्चालन गरेको छ ।
परराष्ट्र मन्त्री डा। नारायण खड्काको औपचारिक भ्रमणका लागि हिमालय एअरलाइन्स्द्वारा कूटनीतिक चार्टर उडान गरेको हो । परराष्ट्र मन्त्रालयको अनुरोधमा हिमालय एअरलाइन्स्ले परराष्ट्र मन्त्रालयका पदाधिकारीहरूको एघार सदस्यीय प्रतिनिधिमण्डल लिएर छिङदाओ लिउटिङ अन्तर्राष्ट्रिय विमानस्थलमा अवतरण गरेको हो ।
हिमालयको एअरबस उडान नं ७२२० ले त्रिभुवन अन्तर्राष्ट्रिय विमानस्थलमा स्थानीय समय अनुसार मंगलवार राति ११:०७ बजे मा प्रस्थान गरेको थियो भने छिङदाओ लिउटिङ अन्तर्राष्ट्रिय विमानस्थलमा बुधवार बिहान ७ः५५ बजे अवतरण गरेको छ ।
छिङदाओको दुई दिने औपचारिक भ्रमणपछि साउन २६ गते अपराह्न ४ः५० मा काठमाडौँ अवतरण गर्ने कार्यक्रम छ ।
सन् २०२० मा फैलिएको कोभिड–१९ को महामारीका कारण नेपाल र चीनबीचको हवाई यात्रा दुवै देशले लागु गरेका विभिन्न यात्रा प्रतिबन्ध पश्चात् ठप्प भएको थियो । यद्यपि, महामारी नियन्त्रण भएर जनजीवन सामान्यतातर्फ फर्किएपछि, हिमालयले मे ३१, २०२२ बाट चीनको कुनमिङ जाने आफ्नो निर्धारित उडान तालिका सञ्चालन गर्दै साप्ताहिक रूपमा एउटा उडानका साथ सेवा सुरु गरेको थियो ।
काठमाडौँबाट छिङदाओका लागि सीधा उडान तालिका नभएकाले एअरलाइन्स्ले आवश्यक सबै अनुमति लिएर यो विशेष चार्टर उडान सञ्चालन गरेको हो ।
क्याटेगोरी : समाचार
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस