• जीवनशैली | Jiwanshaili
  • काेराेना कहर : ज्यान गुमाउनेकाे संंख्या ३ हजार नाघ्याे, ६७ देशमा संक्रमण


    विश्वब्यापी प्रकोपको महामारीको रुप लिएको नोवल कोरोना भाइरसका कारण शनिबार थप ७३ जनाको ज्यान गएको छ। भने एक हजार ९ सया ७९ जना ब्यक्तिमा भाइरसको संक्रमण देखिएको छ । चीनमा मात्रै कोराना भाइरसले आईतबार ४२ जनाको ज्यान लिएको छ । यसै गरी ईरानमा ११ जना, इटलीमा १२ जनाको ज्यान गएको छ। यस्तै जापानमा २ जनाको मृत्यु भएको छ भने दक्षिण कोरियाले पनि आफ्नो ४ नागरिकको मृत्यु भएको बताएको छ । यो संगै विश्वब्यापी रुपमा कोरोना भाइरसको संक्रमितको संख्या ८८ हजार ५ सय ९० पुगेको छ । यस्तै यो भाइरसबाट ज्यान गुमाउनेको संख्या ३ हजार ५० पुगेको छ ।

    इटलीमा थप १२ जनाको ज्यान गयाे

    इटलीमा कोरोना भाइरसका कारण आईतबार थप १२ जनाको ज्यान गएको छ। भने थप एक हजार ५ सय ७३ जना ब्यक्तिमा भाइरसको संक्रमण देखिएको छ । यो संगै इटलीमा कोरोना भाइरसको संक्रमितको संख्या १ हजार ७ सय ०१ पुगेको छ । यस्तै यो भाइरसबाट ज्यान गुमाउनेको संख्या ४१ पुगेको छ ।

    ईरानमा थप ११काे मृत्यु

    विश्व व्यापी महामारीको प्रकोपको रुप लिएको नोवल कोरोना भाइरसका कारण इरानमा शनिबार थप ११ जनाको ज्यान गएको छ । यो संगै नोवल कोरोना भाइरसका कारण ईरानमा ज्यान गुमाउनेको संख्या ५४ पुगेको छ । शुक्रबार सम्म ४३ जनाको मृत्यु भएको थियो । आईतबार थप ३सय ८५ जना नयाँ संक्रमित थपिए पछि ईरानमा कोरोना भाइरसका संक्रमितको संख्या ९सय ७८ जना पुगेको छ।

    ६७ देशमा काेराेना भाइरसकाे संक्रमण

    नोवल कोरोना भाइरस थप ३ देशमा फैलिएको छ । शनिबार सम्म ६४ देशमा फैलिएकाे काेराेना भाइरस आईतबार ६७ राष्ट्रमा पुगेकाे हाे । डाेमेनिकन रिपब्लिक र अर्मेनिया मा एकएक जनामा काेराेना भाइरसकाे संक्रमण दखिएकाे हाे।


    क्याटेगोरी : कोरोना अपडेट

    प्रतिक्रिया दिनुहोस