• जीवनशैली | Jiwanshaili
  • पर्साका एक जनामा कोरोना सङ्क्रमण भएको भन्ने समाचार हल्ला मात्रै


    पर्साका एक जनामा कोरोना सङ्क्रमण भएको भन्ने समाचार हल्ला मात्रै भएको देखिएको छ । विभिन्न सञ्चारमाध्यमले वीरगन्जका एक व्यक्तिमा कोरोना सङ्क्रमण भएको भन्ने समाचार बाहिर आए पनि त्यो पुष्टि भई नसकेको बतार्ईएको छ । पर्साका सहायक जिल्ला अधिकारी ललित कुमार बस्नेतले कोरोना सङ्क्रमण भएको भन्ने पुष्टि भई नसकेको बताएका छन् ।

    वीरगन्जका एक व्यक्तिमा कोरोना भाइरस सङ्क्रमण भएको आशङ्का गरिएको छ । केही दिन अघि युएईबाट नेपाल आएका उनलाई कोरोना सङ्क्रमण भएको आशङ्का गरिएको छ ।६ दिन अघि उनलाई वीरगन्जको गण्डक अस्पताल भर्ना गरिएको थियो त्यस पछि उनलाई अस्पतालले पटना रिफर गरेको थियो ।

    बिरामीलाई कोरोना भाइरसको सङ्क्रमण आशङ्कामा भारतस्थित पटना मेडिकल कलेजले जाँच गरेको छ । तर उनलाई कोरोना भाइरस भएको भन्ने पुष्टि भई नसकेको अस्पतालले जनाएको छ । यद्यपि भारतीय सञ्चार माध्यमहरूले भने कोरोना सङ्क्रमण भएको समाचार दिएका छन् भने केही नेपाली सञ्चार माध्यमले पनि विभिन्न श्रोतको हवाला दिँदै कोरोना भाइरस सङ्क्रमण भएको बताएका छन् ।


    क्याटेगोरी : कोरोना अपडेट

    प्रतिक्रिया दिनुहोस