‘लगता है सारा नेपाल दारु पीके सोया हुवा’ सुनसान सडकमा ट्रक चलाएर काठमाडौबाट भारतीय सीमातिर गइरहेका एक जना भारतीय चालकको भनाई हो, यो । भारत उत्तर प्रदेशका दयाराम यादव भारतको नागपुरबाट मेडिकलका समानहरु लिएर काठमाडौ आएका थिए । फर्किने क्रममा उनी नौबिसेमा भेटिए ।
कस्तो लागि रहेको छ सुनसान सडममा गाडी चलाउँदा भन्ने प्रश्नमा उनको जवाफ थियो, ‘लगता है सारा नेपाल दारु पीके सोया हुवा है’ ।
उनी भारतको नागपुरबाट नेपाल आउँदा भारतमा लडकडाउन शुरु भैसकेको थिए । उनी नेपालको सीमा बेलिहवा पुगेको दीन नेपालमा लकडाउन भयो । भारतमा नेपाल भन्दा एक दिन पछि मात्र लकडाउन भएको हो । नेपालमा लकडाउन भएपछि उनले केही दिन सीमामानै बस्नु पर्यो ।
त्यहीबेला भारतमा पनि लकडाउन भयो । तर उनले भारतीय सडकमा लकडाउन अनुभुति गर्न पाएनन् ।
६० वर्ष मेरो उमेर भयो । अनेक देखियो, गाडी हाक्न थालेको पनि बर्षौ भयो तर यति सुनसान सडक कहिल्यै देखेको थिइन । उनी भन्छन् ।
चितवनबाट अण्डाको खेप लिएर धुलिखेल जान लागेका ट्रक चालक माधव घिमिरेको पनि यस्तै अनुभव छ । यति सुनसान सडक कहिल्यै देखेको अनुभव छैन । नेपाल बन्दका बेला वा भूकम्पका बेला सडक सुनसान भएका थिए । तर यसपटक त बाटो भरी कतै खाना त के चिया पनि खान पाइने अवस्था छैन । बल्ल एक ठाउँमा पहिलेदेखि चिनेको भएर कालो चिया चाहिँ बनाइदिए, घिमिरेले सुनाए ।
बीरगञ्जबाट मसुरको दाल लिएर आएका सुमन मगरबाटोमा कतै केही खान नपाएर चाउचाउको भरमा हिँड्नु परेको बताउँछन् । लकडाउन सुरु भएदेखिनै लगातार समान ढुवानी गरिरहेका उनलाई बाटोमा पैदल हिँडिरहेका यात्रुको समेत चिन्ता छ ।
मजदुरहरु पैदलै आफ्नो घर तर्फ हिँडिरहेको देख्दा आफ्नो गाडीमा चढाइदिउँ जस्तो त लाग्छ तर बाटोमा प्रहरीले रोक्ने भएकोले चढाउन सकिँदैन । आफुहरु ३ जनाको स्टाफ हिँड्दा पनि अनेक सोधखोज हुने गरेको उनी सुनाउँछन् ।
माधव घिमिरेलाई चाहि पुलिसको डर मात्र होइन, चड्ने मान्छे स्वयंको पनि डर लाग्छ । थाहा छैन यस्तो बेलामा को मान्छे कस्तो छ, कतै रोग सर्ने पो हो की भन्ने डर लाग्छ ।
एक जना बुढो मान्छे हिँडिरहेको देख्दा माया लागेर चढाउँकी जस्तो त लागेको थियो तर यस्तो डरको बेला के हुने हो भनेर चढाउने आँटै आएन, उनी भन्छन् ।
बाटोमा खान नपाएको चिन्ता भने अधिकांश चालकहरुको छ । सरकारले अत्यावश्यक सेवा भनेकोले गाडी चलाउन बाध्य भइएको छ । कतै खान खान पाइने व्यवस्था पनि गरे हुन्थ्यो नी, पानीको भरमा हिँड्नु परेको छ । नत्र हामीलाई पनि त सुरक्षित हुने परिवारसँग बस्ने मन होला नी उनीहरु भन्छन् ।
भारतबाट आएका चालक यादवलाई भने खानाको कुनै चिन्ता छैन । मैले त आफ्नै सामान ल्याएको छु आफै बनाउँछु खान्छु कुनै चिन्ता छैन ।
आउँदा स्वास्थ्य परीक्षणपछि मात्र नेपाल छिर्न पाएको उनलाई अब भारत छिर्ने चिन्ता छ । भारत छिर्दा के कसरी हेरिने हो । कति ठाउँमा स्वास्थ्य परीक्षण गर्नुपर्ने हो । तर उनी भन्छन् भवगवान रामले सब ठिक गर्छन् । भातरमा प्रधानमन्त्री मोदीका भक्त उनलाई अहिलेको सरकारमा पनि उत्तिकै विश्वास छ ।
क्याटेगोरी : कोरोना अपडेट, खोज/विशेष
थप समाचार
ताजा अपडेट
- १ आज राष्ट्रिय टोपी दिवस मनाइँदै
- २ इस्वी संवतको नयाँ वर्ष सन् २०२५ शुरु
- ३ तिहारका पाँच दिन यमपञ्चक
- ४ धन्वन्तरी जयन्ती एवं आरोग्यता दिवस मनाइँदै
- ५ वडा दशैँ अन्तरगत टिका थाप्ने कम्र आज पनि जारी
- ६ दशैँ चहलपहल शुरु :शुभसाइतको प्रतीक फूलपाती भित्र्याइँदै
- ७ आज घटस्थापना, घरघरमा जमरा राखिँदै
- ८ हरितालिका तिज मनाइँदै
प्रतिक्रिया दिनुहोस