बैशाख १० गते, बुधबार।
कोरोना भाइरसबाट इरानमा बुधबार एकै दिन थप ९४ जनाको ज्यान गएको छ । पछिल्लो समय इरानमा कोरोना भाइरसबाट ज्यान गुमाउनेको संख्या बढ्दै छ । हिजो मंगलबार ८८ जनाको ज्यान गएकोमा आज बुधबार ९४ जनाको ज्यान गएको छ । यो संगै इरानमा मृत्यु हुनेको संख्या ५ हजार ३ सय ९१ पुगेको छ ।यस्तै संक्रमितको संख्या ८५ हजार नाघेको छ । बुधबार १ हजार १ सय ९४ जना नयाँ व्यक्तिमा सङ्क्रमण पाइएको छ । यो संगै इरानमा हाल सम्म ८५ हजार ९ सय ९६ जनामा कोरोना भाइरसको सङ्क्रमण पाइएको छ ।
विश्वका २१० देश तथा क्षेत्रमा फैलिसकेको कोरोना भाइरसको संक्रमण बाट करिब २५ लाख मानीसमा भइसकेको छ भने १ लाख ७१ हजार जनाको मृत्यु भइसकेको छ ।
क्याटेगोरी : कोरोना अपडेट
प्रतिक्रिया दिनुहोस