नवरात्रको पाँचौ दिनः आज स्कन्दमाताको पूजाआराधना गरिँदै

जीवनशैली कात्तिक ५, २०७७ ६:२१ AM

---

दशैंको पाँचौ दिन आज स्कन्दमाताको पूजाआराधना तथा दर्शन गरेर मनाइँदैछ। स्कन्दमाता कमल ओछ्याएर बस्ने भएकाले यी देवीलाई पद्मासना देवी पनि भन्ने गरिन्छ। सूर्यमण्डलकी आधिष्ठात्री देवी भएका कारण स्कन्दमाताको पूजा गर्ने भक्तजन अलौकिक तेज र कान्तिले सुसम्पन्न हुने धार्मिक विश्वास छ।

स्कन्दकुमार कार्तिकेयको बालस्वरुपलाई सदैव काखमा राखी ममतामयी स्नेह प्रदान गर्ने हुनाले नवरात्रीको पाँचौ दिन यिनलाई स्कन्दमाताको नामबाट पुकार्ने गरिन्छ। चार हात मध्ये दायाँतर्फको माथिल्लो हातले स्कन्दकुमार कार्तिकेयलाई काखमा च्याप्दै बायाँतर्फको तल्लो हातमा कमलको फूल र माथिल्लो हातले बरमुद्रा धारण गरिएको शास्त्रहरुमा उल्लेख गरिएको छ।

आजको दिन राजधानीका गुह्येश्वरी, दक्षिणकाली, नक्साल भगवती, भद्रकालीलगायतका मन्दिर र शक्तिपीठहरुमा पूजाअर्चना गरिन्छ।
दसैंको पहिलो दिन घटस्थापना गरेसँगै नवदूर्गाका ९ वटा रूपहरूको पूजा गर्ने धार्मिक परम्परा रहिआएको छ। नवरात्रका नौ दिनमा पहिलो दिन शैलपुत्री, दोस्रो दिन ब्रम्हचारिणी, तेस्रो दिन चन्द्रघण्टा, चौथो दिन कुष्माण्डा, पाँचौ दिन स्कन्दमाता, छौटौं दिन कात्यायनी, सातौं दिन कालरात्री, आठौं दिन महागौरी र नवौं दिन सिद्धिदात्रीको पूजा गर्ने धार्मिक परम्परा छ।

थप समाचार

तनाव दुनियाँमा छँदै छैन, यो कृतिम सिर्जना हो

आज राष्ट्रिय टोपी दिवस मनाइँदै

तिहारका पाँच दिन यमपञ्चक

धन्वन्तरी जयन्ती एवं आरोग्यता दिवस मनाइँदै

वडा दशैँ अन्तरगत टिका थाप्ने कम्र आज पनि जारी

दशैँ चहलपहल शुरु :शुभसाइतको प्रतीक फूलपाती भित्र्याइँदै

आज घटस्थापना, घरघरमा जमरा राखिँदै

हरितालिका तिज मनाइँदै

हरितालिका तीज शुरु

 किन मृत्यु भएका घरबाट गाई निकालिन्छ

आज क्वाँटी खाने दिन; यस्ता छन् क्वाँटीका फाईदाहरु

आज जनै पूर्णिमा पर्व तथा रक्षाबन्धन मनाइँदै