लेखक हरि कटुवालको घर संखुवासभा हो । गीतकारसमेत रहेका कटुवालको ‘अधुरो सपना’ र ‘रेडलाइट’ उपन्यास प्रकाशित छ । उनको शब्दमा ‘नाचौं छम्मछम’ बोलको गीत चर्चित छ । साहित्य उनको सबैभन्दा रुचीको विषय हो । सादा नेपाली खाना, रोटी तरकारी मन पराउने कटुवालसँग गरिएको किचेन–संवाद यहाँ प्रस्तुत गरिएको छ :
१. किचनको लागि कति समय दिनुहुन्छ ?
कहिलेकाहिँ मात्र हो । बाल्यकालमा पहाडमा खाना पकाउनुपर्थ्यो । त्यतिबेला मलाई अल्छी लाग्थ्यो, त्यसैले अर्को दिन पकाउन नपरोस् भनेर नुन बढी हाल्ने, पीरो हाल्ने गरिदिन्थे । अहिलेचाहिँ परिवारलाई सहयोग गर्नुपर्ने बेलामा म किचेनको सबै काम गरिरहेको हुन्छु ।
२. आफैंले बनाएर खान मन पर्ने परिकार ?
अचार बनाउँछु । लसुन पालेको अचार मन पर्छ । विशेष परिकार भनेर सीप हालेर बनाउन आउँदैन ।
३. आफैंले पकाएर खुवाउन मन पर्ने प्रियजनहरू ?
बुबा आउनुहुँदा आफैं पकाएर खान मन पर्छ । संगीतकार कमल अधिकारी सर मेरो भान्सामा आउनुहुँदा पकाएर खुवाउँछु । तर पाहुना आउँदा पनि श्रीमतिको रोल बढी हुन्छ ।
४. तपाईंको खान्कीलाई पिरो, अमिलो र अन्य स्वादको मात्रा कति चाहिन्छ ?
सादा खाना नै मन पर्छ । अचारमा पीरो चाहिन्छ । हाम्रो गाउँतिर राँगे खुर्सानी भनिने डल्ले खुर्सानी मन पर्छ ।
५. घरबाहिर जाँदा खान मन लाग्ने परिकारहरू केके हुन् ?
बाहिरको खानामा धेरै बल गर्दिनँ । बाहिर निस्कँदा खसीको सेकुवा खाने गर्छु । स्थानविशेष अनुसार के पाइन्छ, नयाँ ठाउँमा जाँदा त्यही खाइन्छ ।
क्याटेगोरी : कला शैली, समाचार
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस