चाडपर्व नजिकिँदै गर्दा तरकारीको मूल्य ह्वात्तै बढ्यो

जीवनशैली असोज ६, २०७६ २:४६ AM

---

चाडपर्वका बेलामा अत्याधिक आवश्यक पर्ने तरकारीको मूल्य थेग्नै गाह्रो हुने गरी बढेको छ । आलु, प्याजलगायतका तरकारीको मूल्य आमनेपालीले धान्न नसक्ने गरी बढेको हो । सरकारले प्रभावकारी बजार अनुगमन नगर्दा व्यापारीले विभिन्न बहानामा तरकारी लगायत दैनिक उपभोग्य वस्तुको मूल्य बढाएका हुन् ।

एक साताअघि ९३ प्रतिकिलो रहेको प्याजको मूल्य अहिले १२५ नाघेको छ । त्यस्तै, एक साताअघि ६५ प्रतिकिलो पर्ने आलुको मूल्य अहिले ७५ नाघेको छ । बन्दा, काउली, मुला, भन्टा, बोडी, हरियो फर्सी, तीते करेलालगायतका तरकारीको मूल्य पनि यसरी नै बढेको छ । यो वर्ष भारत र नेपालमा उत्पादनमा कमी आएपछि तरकारीको मूल्य निरन्तर उकालो लागेको व्यवसायीहरू बताउँछन् । नेपाल आलुमा ६० प्रतिशत र प्याजमा ९० प्रतिशत भारतमाथि निर्भर छ ।

तरकारीको बजार मूल्य अकासिए पनि किसानले भने लागतअनुसारको मूल्य पाउन सकेका छैनन् । यसको सबै फाइदा बिचौलियाले लिएको किसानको गुनासो छ ।

काठमाडौंको थोक बजारमा आइतबार बोडी प्रतिकिलो १२० देखि १२५ र पर्बल ९० देखि ९५ रुपैयाँमा कारोबार भयो । त्यस्तै, उपभोक्ताले भिन्डी र काउलीलाई प्रतिकिलो १ सय २० रुपैयाँसम्म तिरेका छन् । थोक बजारमै घिरौंला, ठूलो खुर्सानी र सिमी प्रतिकिलो ९० देखि ९५ रुपैयाँ बढीमा किनबेच भयो । एक सातापहिले खुद्रा बजारमै प्रतिकिलो ६० देखि ८५ रुपैयाँमा पाइन्थ्यो ।

थप समाचार

माघे संक्रान्ति: स्वास्थ्यलाई फाइदा गर्छ तीलकाे लड्डुले

बाघ वर्षलाई बिदाइ गरी बिरालो वर्षलाई स्वागत-‘तमु ल्होसार’

बाजुरामा भुवा पर्व मनाइँदै

किराँत समुदायले आज उधौली पर्व मनाइँदै

आज महागुरु फाल्गुनन्द जयन्ती मनाउँदै

आज हरिबोधिनी एकादशी, तुलसीको विवाह गरी मनाइँदै

गौरीघाटमा मनाइयो छठ [तस्बिर]

आज छठको अन्तिम दिन, उदाउँदो सूर्यलाई अर्घ्य दिइँदै

छठ पर्व, आज साँझको अस्ताउदो सूर्यलाई अर्घ दिइँदै

छठ पर्वको दोस्रो दिन आज ‘खरना’

छठको तयारी सुरू (फाेटाेफिचर)

जागिर छोडेर फूल खेती