भाईटीका १२ गते की १३ गते, पञ्चाङ्ग निर्णायक समितिको निर्णय यस्तो

जीवनशैली कात्तिक ३, २०७६ २:३१ PM

---

नेपाल पञ्चाङ्ग निर्णायक समितिले यस वर्षको तिहार पर्वका सम्बन्धमा भ्रम सिर्जना गर्ने गरी विभिन्न माध्यमबाट भइरहेको प्रचारप्रसारका पछि नलाग्न आह्वान गरेको छ ।

समितिले आज विज्ञप्ति प्रकाशित गरी यही कात्तिक ८ गते शुक्रबारदेखि यमपञ्चक शुरु हुने जनाएको छ । कात्तिक ८ गतेदेखि यमदीपदान शुरु हुन्छ । कात्तिक ९ गते शनिबार कागतिहार, कात्तिक १० गते आइतबार कुकुर तिहार र लक्ष्मीपूजा, कात्तिक ११ गते सोमबार गाईगोरु र आत्म ९म्ह० पूजा पर्ने समितिका सदस्य सचिव सूर्यप्रसाद ढुङ्गेलले जारी गरेको विज्ञप्तिमा उल्लेख छ ।

यसैगरी कात्तिक १२ गते मङ्गलबार गोवद्र्धनपूजा, यमद्वितीया, भाईटीका, किजापूजा र नेपालसंवत् मनाउनुपर्ने समितिको निर्णय छ । यसै अनुसार तिहार पर्व मनाउन समितिले ज्योतिष, धर्मशास्त्रलगायत विभिन्न विषयका विद्वानसँगको राय सुझावपछि निर्णय गरेको हो । केही व्यक्तिले कात्तिक १३ गते भाइटीका गर्ने भनी गरिरहेको प्रचारप्रसार शास्त्रसम्मत नहुने सदस्य सचिव ढुङ्गेलले बताए ।

समितिले २०७७ सालको असोज महीनामा अधिकमास ९मलमास० पर्ने जानकारी समेत आम सर्वसाधारणमा गराएको छ । विभिन्न धार्मिक कृत्यका लागि एक वर्ष अघि नै मलमासको जानकारी आम मानिसलाई दिनुपर्ने भएकाले सार्वजनिक गरिएको उनले बताए ।

थप समाचार

माघे संक्रान्ति: स्वास्थ्यलाई फाइदा गर्छ तीलकाे लड्डुले

बाघ वर्षलाई बिदाइ गरी बिरालो वर्षलाई स्वागत-‘तमु ल्होसार’

बाजुरामा भुवा पर्व मनाइँदै

किराँत समुदायले आज उधौली पर्व मनाइँदै

आज महागुरु फाल्गुनन्द जयन्ती मनाउँदै

आज हरिबोधिनी एकादशी, तुलसीको विवाह गरी मनाइँदै

गौरीघाटमा मनाइयो छठ [तस्बिर]

आज छठको अन्तिम दिन, उदाउँदो सूर्यलाई अर्घ्य दिइँदै

छठ पर्व, आज साँझको अस्ताउदो सूर्यलाई अर्घ दिइँदै

छठ पर्वको दोस्रो दिन आज ‘खरना’

छठको तयारी सुरू (फाेटाेफिचर)

जागिर छोडेर फूल खेती