राष्ट्रपतिदेखि प्रधानमन्त्रीसम्मले दाजुभाइ तथा दिदीबहिनीको हातबाट भाइटीका लगाए

जीवनशैली कात्तिक १२, २०७६ ८:१५ AM

---

राजनीतिक व्यस्तता कम हुँदा शीर्ष नेताले पनि परिवारसँग बसेर भाइटीका लगाएका छन् । राष्ट्रपतिदेखि प्रधानमन्त्रीसम्मले दाजुभाइ तथा दिदीबहिनीको हातबाट भाइटीका लगाएका हुन् ।

राष्ट्रपति विद्यादेवी भण्डारीले मंगलबार बिहान ११ बजेर ५५ मिनेटको शुभसाइतमा आफ्ना जेठा भाइ तेजेन्द्र पाण्डे र कान्छा भाइ डेगेन्द्र पाण्डेलाई भाइटीका लगाएकी छन् । चपलीहाइटस्थित निवासमा भएको भाइटीकाको कार्यक्रममा राष्ट्रपति भण्डारीले भाइद्वय पाण्डेलाई टीका लगाइदिएको राष्ट्रपतिका प्रमुख स्वकीय सचिव भेषराज अधिकारीले जानकारी दिए । राष्ट्रपति भण्डारीले टीका लगाएर भाइलाई आशीर्वाद दिँदै दुबो, मखमलीयुक्त माला लगाइ कटुस, ओखर र मिठाइ खुवाएर भ्रातृवात्सल्य प्रस्तुत गरिन् । दुबै भाइले यथाशक्य दक्षिणा प्रदान गरेर उनीसँग आशीर्वाद लिए । त्यसअघि राष्ट्रपतिले शास्त्रोक्त विधिपूर्वक दीप, कलश, गणेशका साथै अष्टचिरञ्जीवी र यमयमुनाको पूजा अर्चना गरेकी थिइन् ।

प्रधानमन्त्री केपी शर्मा ओलीले आफ्नी बहिनीद्वय विष्णुमाया ढकाल र कौशिलादेवी कोइरालाबाट भाइटीका लगाएका छन । प्रधानमन्त्री निवास बालुवाटारमा दिउँसो १ बजेर ३८ मिनेटको समयमा प्रधानमन्त्री ओलीले बहिनीद्वयको हातबाट टीका लगाएका हुन् । टीका लगाइदिएपछि उहाँहरूले प्रधानमन्त्री ओलीलाई मखमलीको माला लगाई कटुस, ओखर र मिठाई खुवाए ।

यस्तै नेकपाका वरिष्ठ नेता झलनाथ खनालले पनि जुठो परेका कारण भाइटीका लगाएनन् ।

यस्तै, पार्टीका अर्का नेता रामचन्द्र पौडलले भने दिदी चन्दा ओझाबाट सप्तरंगी टीका लगाउनुभएको थियो । यस्तै, पूर्वराजा ज्ञानेन्द्र शाहले बहिनी शोभा शाहीको हातबाट बिहान १० बजेर ५१ मिनेटमा टीका लगाउनुभएको थियो ।

दरबारको शुभसाइत जुराउने विधि फरक भएकाले अन्य साइत भन्दा अगाडि नै पूर्वराजा शाहले टीका लगाउनुभएको थियो ।

थप समाचार

माघे संक्रान्ति: स्वास्थ्यलाई फाइदा गर्छ तीलकाे लड्डुले

बाघ वर्षलाई बिदाइ गरी बिरालो वर्षलाई स्वागत-‘तमु ल्होसार’

बाजुरामा भुवा पर्व मनाइँदै

किराँत समुदायले आज उधौली पर्व मनाइँदै

आज महागुरु फाल्गुनन्द जयन्ती मनाउँदै

आज हरिबोधिनी एकादशी, तुलसीको विवाह गरी मनाइँदै

गौरीघाटमा मनाइयो छठ [तस्बिर]

आज छठको अन्तिम दिन, उदाउँदो सूर्यलाई अर्घ्य दिइँदै

छठ पर्व, आज साँझको अस्ताउदो सूर्यलाई अर्घ दिइँदै

छठ पर्वको दोस्रो दिन आज ‘खरना’

छठको तयारी सुरू (फाेटाेफिचर)

जागिर छोडेर फूल खेती