प्रेम दिवसमा खाना महोत्सव

जीवनशैली माघ २७, २०७६ ११:३४ AM

---

पर्यटकीय नगरी सौराहामा प्रेम दिवसको अवसर पारेर मङ्गलबारदेखि खाना महोत्सव हुने भएको छ । चौधौैँ सौराहा खाना महोत्सवको तयारी पूरा भएको छ । रेष्टुराँ एण्ड बार एशोसिएशन ९रेवान० सौराहाको आयोजनामा सिसुवार चौरमा महोत्सव हुँदैछ । महोत्सवमा ४० खानाका कक्ष रहने रेवान सौराहाका अध्यक्ष दीपेन्द्र खतिवडाले जानकारी दिनुभयो । महोत्सवमा स्थानीय तथा विदेशी खानाको परिकारसँगै स्थानीय कला, संस्कृति, वेशभूषाको प्रदर्शन गरिनेछ । महोत्सवअन्तर्गत सौराहाको हात्तीचोकदेखि ड्याकसम्म सडकमै खाने र सडकमै रमाउने व्यवस्था मिलाइनेछ । सडक किनारमै खाने र सडकमा नै सांस्कृतिक कार्यक्रम अवलोकन गर्ने व्यवस्था मिलाइएको छ । पर्यटकका लागि होटलमा ३० प्रतिशत र रेष्टुराँमा १५ प्रतिशत छुटको व्यवस्था मिलाइएको महोत्सवका संयोजक धु्रव गिरीले जानकारी दिनुभयो ।

महोत्सवअन्तर्गत मेयरकप भलिबल प्रतियोगिता, प्रेमपत्र लेखन प्रतियोगिता, वेटर रेस, महिलाको म्युजिकल चेयर, बालबालिकाको बेलुन फुटाइ, डोरी तान्ने, अन्तरविद्यालय नृत्य प्रतियोगिता तथा सडक नाटकलगायत कार्यक्रम हुनेछन् । प्रेम दिवसको दिन महोत्सव प्रवेशका लागि काटिने टिकटबाट सङ्कलन भएको रकममध्ये ७५ प्रतिशत गौतमबुद्ध क्रिकेट रङ्गशालालाई दिइने आयोजकले जनाएको छ । जिल्लाको पर्यटन प्रवद्र्धन गर्ने उद्देश्यले गरिएको सो महोत्सवको वाग्मती प्रदेशका पर्यटनमन्त्री अरुण नेपालले उद्घाटन गर्ने कार्यक्रम छ । –––

थप समाचार

आज भानु जयन्ती 

नयाँ वर्षः सुदूरपश्चिममा बिसु पर्व र पुतला खेलको…

माघे संक्रान्ति: स्वास्थ्यलाई फाइदा गर्छ तीलकाे लड्डुले

बाघ वर्षलाई बिदाइ गरी बिरालो वर्षलाई स्वागत-‘तमु ल्होसार’

बाजुरामा भुवा पर्व मनाइँदै

किराँत समुदायले आज उधौली पर्व मनाइँदै

आज महागुरु फाल्गुनन्द जयन्ती मनाउँदै

आज हरिबोधिनी एकादशी, तुलसीको विवाह गरी मनाइँदै

गौरीघाटमा मनाइयो छठ [तस्बिर]

आज छठको अन्तिम दिन, उदाउँदो सूर्यलाई अर्घ्य दिइँदै

छठ पर्व, आज साँझको अस्ताउदो सूर्यलाई अर्घ दिइँदै

छठ पर्वको दोस्रो दिन आज ‘खरना’