नवलपरासी (बर्दघाट–सुस्तापूर्व)मा स्थानीय तहले कोभिड–१९ अस्थायी अस्पताल निर्माण गर्न शुरु गरेका छन् । जिल्लाको हुप्सेकोट गाउँपालिकामा समेत १० बेड ९शय्या०को कोभिड अस्थायी अस्पताल आजदेखि सञ्चालनमा आएको छ ।
गाउँपालिका १ मा रहेको कृषि उपज केन्द्रको भवनमा निर्माण गरिएको १० शय्याको कोभिड अस्पतालको गाउँपालिका अध्यक्ष लक्ष्मीदेवी पाण्डेले उद्घाटन गर्नुभएको हो । अध्यक्ष पाण्डेले कोभिडको लक्षण देखिएका र सामान्य लक्षण देखिएका सङ्क्रमितको फरकफरक कक्ष बनाएर उपचार गरिने बताउनुभयो ।
गम्भीर खालका लक्षण देखिएका कोभिड सङ्क्रमितलाई भने गाउँपालिकाले सहजीकरण गर्दै सुविधायुक्त अस्पतालमा पठाउने व्यवस्था गरेको छ । गाउँपालिकाभित्र १२ शय्याको अस्पताल निर्माणका लागि करारमा चिकित्सक तथा नर्स राख्न आवेदन खुला गरिसकेको उहाँले बताउनुभयो ।
हुप्सेकोट गाउँपालिका स्वास्थ्य शाखा प्रमुख कृष्ण सापकोटाले अहिले हुप्सेकोमा कोभिडका चार जना सक्रिय सङ्क्रमित रहेको जानकारी दिनुभयो । पालिकाभित्रका सङ्क्रमितको देवचुली–१६ रजहरस्थित सामुदायिक प्राकृतिक चिकित्सालयमा निर्माण गरिएको कोभिड अस्थायी अस्पतालमा उपचार भइरहेको छ । आठ स्थानीय तह रहेको नवलपरासी बर्दघाट सुस्ता पूर्वमा हालसम्म गैँडाकोट नगरपालिका र हुप्सेकोट गाउँपालिका आफैले कोभिड अस्थायी अस्पताल निर्माण गरेका छन् ।
क्याटेगोरी : समाचार, समाज
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस