जिल्ला प्रहरी कार्यालय प्युठानले विभिन्न निकायसँगको समन्वयमा ‘समुदाय–प्रहरी साझेदारी’ कार्यक्रम गर्दै आएको छ । प्रहरीले स्थानीय तह, समुदाय, सामाजिक सङघ-संस्था तथा विद्यालयसँगको साझेदारीमा उक्त अभियान सञ्चालन गर्दै आएको हो । अपराध रोकथाम, समुदाय सुरक्षा र सचेतना, शान्ति र सुव्यवस्था, विद्यालय सचेतनासहितका समुदाय केन्द्रीत सचेतनामुलक कार्यक्रम गरिएको छ ।
जिल्लालाई अपराध मुक्त बनाउन, सभ्य समाज निर्माणका लागि सचेतनाका कार्यक्रम सञ्चालन गर्दै आएको जिल्ला प्रहरी कार्यालयका प्रहरी नायब उपरीक्षक सुनिल मल्लले बताउनुभयो । कार्यक्रममार्फत अघिल्लो आर्थिक वर्षमा जिल्लाका नौ वटै स्थानीय तहमा घरदैलो अभियान गरिएको थियो ।
उहाँले हालसम्म जिल्लाका ४५ हजार १० घरधुरीमा प्रहरी पुगिसकेको बताउनुभयो । प्रहरी समुदायमा पुगेपछि जनतासँग प्रत्यक्ष भेटघाटसँगै उनीहरुको तथ्याङ्क राख्नुका साथै कानूनले बञ्चित गरेका कुरा गर्नुहुदैँन भनेर सम्झाउने गरिएको छ ।
त्यस्तै चालु आर्थिक वर्षमा कोरोना सङ्क्रमणका कारण घरदैलो कार्यक्रम रोकिए पनि समुदाय केन्द्रित कार्यक्रम गरिएको छ । सोअन्र्तगत सड्क दुर्घटना न्यूनिकरण, बालविवाह न्यूनिकरण, कोरोना नियन्त्रणलगायत जनचेतनामुलक कार्यक्रम गरिएको हो ।
क्याटेगोरी : समाचार, समाज
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस