• जीवनशैली | Jiwanshaili
  • चीनले दिएको अक्सिजन सिलिन्डर र भेन्टिलेटर नेपाल ल्याइयो


    काठमाडौं । चीनको बेइजिङबाट अक्सिजन सिलिन्डर र भेन्टिलेटर नेपाल एअरलाइन्सको जहाजले नेपाल ल्याएको छ ।

    सोमवार राती बेइजिङ गएको नेपाल एअरलाइन्सको वाइडबडी जहाज आज त्रिभुवन अन्तर्राष्ट्रिय विमानस्थलमा अवतरण गरेको हो । जहाजले चार सय थान खाली अक्सिजन सिलिन्डर, एक सय ६० थान अक्सिजन कन्सन्ट्रेटर र १० वटा भेन्टिलेटर गरी ३० टन सामग्री ल्याएको हो । सिलिन्डरलगायत सामग्री त्रिभुवन विमानस्थलमै चीनले नेपाललाई हस्तान्तरण गरेको छ ।

    चीनले दिने २० हजार खाली सिलिन्डरमध्ये पहिलो चरणमा चार सय खाली सिलिन्डर ल्याइएको हो । बीस हजार सिलिन्डरमध्ये दुई हजार विमानबाट र १८ हजार सडक मार्ग हुँदै नेपाल ल्याउने योजना रहेको छ ।


    क्याटेगोरी : समाचार, समाज

    प्रतिक्रिया दिनुहोस