उपत्यकाका तीन सिडिओको बैठक बस्दै, थप कडाइका साथ निषेधाज्ञा लम्ब्याउने तयारीमा

हालै सरकारले जारी गरेको कोभिड १९ संकट व्यवस्थापन अध्यादेशमा गरिएका व्यवस्थालाई प्रभावकारी रुपमा कार्यान्वयन गर्ने कुरा आजको बैठकमा बिशेष रुपले चल्फको विषय बन्ने देखिएको छ।

‘हाम्रो प्रारम्भिक छलफलले थप १५ दिनसम्म निषेधाज्ञा बढाउने कि भन्ने योजना बनेको छ। यदी सात दिनमा नै कोरोनाको चेन ब्रेक हुने देखियो भने एक हप्ता भन्दा लामो समयको लागि निषेधाज्ञा नथप्ने कि भन्ने पनि छ।’ भट्टराईले  भने।

सरकारले हालै जारि गरेको अध्यादेशले निषेधाज्ञा पालना नगर्नेलाई नगद जरिवाना र कैदसम्म हुन सक्ने   व्यवस्था गरेको छ । सो अध्यादेशको  निषेधाज्ञा उल्लंघन गर्नेविरुद्ध छ महिनासम्म कैद र तीनलाख रुपयाँसम्म जरिवानाको समेत व्यवस्था गरेको छ ।

मास्क नलगाई सार्वजनिक स्थलमा हिँड्दा हरेकपटक एक सय रुपैयाँ जरिवाना लिनसक्ने, मानिसको आवतजावतमा रोक लगाइएको अवस्थामा हिँडडुल गर्दा  दुई सय रुपैयाँ असुल गर्ने व्यवस्था नयाँ अध्यादेशमा छ।