काठमाडौं । दक्षिणकाली मन्दिर नजिकै शौचालयमा मृत अवस्थामा फेला परेको शवको पहिचान भएको छ ।
शव थरीथरीका आवाज निकाली चर्चामा आएकी २५ वर्षीया सन्तोषी सुब्बाको भएको प्रहरीले बताएको छ । सुब्बा धनबहादुर तामाङसँग कालोपुलमा बस्दै आएकी थिइन् । तामाङले उनलाई धर्मछोरी बनाएर लामो समयदेखि आफूसँगै राखेका थिए । तीन दिनदेखि सम्पर्कविहीन रहेकी सुब्बाको शव दक्षिणकाली मन्दिरस्थित पार्किङ सँगैको ट्वाइलेटमा हत्या गरेर फालिएको अवस्थामा फेला परेको थियो ।
काठमाडौं प्रहरी प्रमुख एसएसपी अशोक सिंहका अनुसार उनी धनबहादुरलाई गँगटो खोज्न जान्छु भन्दै निस्किएकी थिइन् । एसएसपी सिंहका अनुसार उनको शव घाँटीमा सलले कस्सिएको र अनुहार चिन्नै नसक्ने गरी किचिएको अवस्थामा फेला परेको थियो । प्रहरीले उनी गर्भवती भएको हुनसक्ने आशंका गरेको छ ।
अवैध सम्बन्धका कारण उनको हत्या गरिएको हुनसक्ने प्रहरीले बताएको छ । ‘प्रारम्भिक अनुसन्धानको क्रममा अवैध सम्बन्धका कारण घटना गरेको देखिएको छ । थप पोष्टमार्टम रिपोर्टपछि थाहा हुनेछ’, एसएसपी सिंहले भने । घटनास्थलको प्रकृति हेर्दा शौचालय बाहिर झगडा परेको देखिएको छ । अभियुक्तले पहिचान लुकाउनका लागि क्रुर तरिकाले हत्या गरेको देखिएको उनले जानकारी दिए ।
सुब्बाले गलाबाट थरी थरीका आवाज निकाल्दै चर्चामा आएकी थिइन् । उनका केही भिडियोसमेत युट्युबमा छन् ।
क्याटेगोरी : समाचार, समाज
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस