• जीवनशैली | Jiwanshaili
  • जाडोमा ओठ फुट्ने समस्याबाट यसरी बच्नुस्


    चिसो मौसममा विभिन्न स्वास्थ्यसम्बन्धी समस्याहरु देखिन्छन् । जाडोमा सबैभन्दा बढी ओठ फुट्ने समस्याले सताउने गर्छ । ओठ फुटेमा पोल्ने, बोल्न नहुने, खाना खान गाह्रो हुने लगायतका समस्या देखिन्छन् ।

    ओठ फुट्ने कारण

    चिसो तथा सुख्खा मौसम
    –हरियो सागसब्जी तथा फलफूल नखाँदा
    –पानीको मात्रा कम भएर
    –कम गुणस्तरको लिपबाम तथा लिपस्टिक लगाउँदा
    –बारम्बार जिब्रोले ओठ चलाउँदा
    –जाँडरक्सी र चुरोट धेरै खाँदा

    रोकथामका उपाय

    –घर बाहिर निस्कँदा चिल्लो पदार्थहरु मह, घिउ, नरिवलको तेल, दूधको तर वा लिपबाम लगाएर मात्र निस्कनुपर्छ ।
    –जाडोको समयमा ओठ मात्र होइन, छाला पनि फुट्ने भएकाले प्रशस्त मात्रामा पानी पिउनुपर्छ ।
    –बाहिर बजारमा पाइने जुनसुकै क्रिम पनि ओठमा लगाउन हुँदैन ।
    –समय–समयमा ओठमा लिप बाम लगाउने गर्नुपर्छ । भिटामिन ई भएको लिपबाम लगाउनु राम्रो हुन्छ ।
    –ओठमा जमेका मृत छाला औँला अथवा नङले कोट्याएर निकाल्ने गर्नहुँदैन । यसो गर्दा घाउ भएर समस्या झन बढ्दै जान्छ ।
    –यदि ओठ फुटेर घाउ नै भयो भने एन्टिबायोटिक क्रिम लगाउनुपर्छ ।


    क्याटेगोरी : मुख्य समाचार, स्वास्थ्य शैली

    प्रतिक्रिया दिनुहोस


    थप समाचार