यदि तपाईं आफूलाई फिट राख्दै छिटो तौल कम गर्न चाहनुहुन्छ भने जुम्बा डान्स एक उत्तम विकल्प हो। संगीतको साथ नृत्य गरेर तौल घटाउने यो कसरतले कहिल्यै तपाईंलाईं दिक्क बनाउँदैन।
स्पोर्ट्स साइन्स एन्ड मेडिसिन जर्नलमा प्रकाशित एक अनुसन्धानका अनुसार यदि तपाईं ४० मिनेटसम्म जुम्बा गर्नुहुन्छ भने तपाईंले ३६९ सम्म क्यालोरी कम गर्न सक्नुहुन्छ। यो फाइदा ४० मिनेटमा गर्ने किक बक्सिंग र पावर योगको बराबर हो।
फिटनेस ट्रेनर भन्छन्, ‘जुम्बाको चलन गर्ने व्यक्तिहरुको संख्या वृद्धि भइरहेको छ। किनकि यस फिटनेसको तरीकाले तपाईंलाई फिट राख्नुका साथै खुशी पनि राख्दछ।’ जुम्बा के हो ?, यसले कसरी काम गर्छ ? र यो कसरत तपाईंको लागि कत्तिको लाभदायक छ ? यी प्रश्नहरूका उत्तरहरू जान्नुहोस्।
जुम्बा के हो ?
स्वास्थ्य प्रशिक्षक विनोद सिंहअनुसार जुम्बा एक प्रकारको एरोबिक व्यायाम हो। जुन ल्याटिन नृत्यबाट प्रेरित छ। जुम्बा गर्दा संगीतको साथ अभ्यास गर्दै जाने हो। यसले तपाईंलाई ऊर्जावान बनाउँछ र शरीरकाे बोसो पनि कम गर्छ।
एक अनुसन्धानका अनुसार जब एक हप्तामा ३ देखि ४ दिन जुम्बा गरिन्छ भने यसले शरीर लचिलो बनाउँछ। साथै रक्त संचार बढाउँछ र तपाईं स्फूर्ति महसुस गर्नुहुन्छ।
जुम्बाले कसरी र कति गर्नुपर्छ ?
स्वास्थ्य ट्रेनर विनोद भन्छन्, एक हप्तामा कम्तिमा पनि ३ दिन जुम्बा गर्नु पर्दछ। ३०० देखि ४०० सम्म क्यालोरी कम गर्ने लक्ष्य राख्नुहोस्। प्रायः हरेक ठूला शहरहरुमा जुम्बा डान्स गराइन्छ। यसलाई तपाईं पनि सुरु गर्न सक्नुहुन्छ। यसलाई धेरै उपकरणहरूको आवश्यक पनि पर्दैन।
खानपान कस्तो हुनु पर्छ ?
क्लिनिकल न्यूट्रिशनिस्ट सुरभि पारीक भन्छिन्, यदि तपाई जुम्बा गर्नुहुन्छ भने अण्डाहरू, कुखुरा र माछा आहारमा लिनुहोस्। यसले प्रोटीनको कमीलाई पूर्ण गर्दछ। आहारमा तरकारी र फलहरू समावेश गर्नुहोस्। स्याउ र सुख्खा फलहरू भोक लाग्दा लिन सकिन्छ। यस बाहेक किनुवा, ब्राउन राइस र ओट्स खानु उत्तम विकल्प हुन्छ।
संसारमा कसरी र कहिले शुरू भयो जुम्बा ?
यो फिटनेस प्रोग्राम विश्वमा ल्याउने श्रेय कोरियोग्राफर र फिटनेस प्रशिक्षक अल्बर्टो बीटो पेरेजलाई जान्छ। यसको सुरुआत ९० को दशकमा भएको हो। जुम्बाको सुरुआत हुनुमा एउटा रोचक प्रसंग पनि जोडिएको छ। वास्तवमा, अल्बर्टो एक दिन एरोबिक कक्षा लिने जाँदै थिए। तब उनलाई महसुस भयो कि उनले आज संगीत सुन्न बिर्सिसकेका छन्। फर्केर गएर संगीत सुन्न सम्भव थिएन। त्यसैले जब उनी एरोबिक्स सिकाउन कक्षामा पुगे, उनले एरोबिक वर्कआउट्सलाई संगीतसँग मिसाए। उनले देखे की यो कसरत गर्दा विद्यार्थीहरू धेरै रमाइरहेका थिए।
त्यसपछि अल्बर्टोले आधिकारिक रूपमा २००१ मा मियामीमा फिटनेस वर्कआउट्स सिकाउन शुरू गरे। यसको नाम जुम्बा राखियो तर यो नामको कुनै खास अर्थ भने छैन। जुम्बालाई फिटनेस र रमाईलोको एउटा संयोजनको रूपमा वर्णन गरिएयो र अहिले यो कसरत धेरै चर्चित बन्न पुग्यो।
क्याटेगोरी : मुख्य समाचार, स्वास्थ्य शैली
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस