इलामको फिक्कलमा सिभिल बैङ्कको नयाँ एक्सटेन्सन काउन्टर

जीवनशैली साउन १२, २०७९ ६:५८ AM

सिभिल बैङ्कले इलामको फिक्कलमा नयाँ एक्सटेन्सन काउन्टर सञ्चालनमा ल्याएको छ । समृद्धिका लागि सिभिल बैङ्क भन्ने नाराका साथ अगाडी बढिरहेको बैङ्कले यो सँगै १३ एक्सटेन्सन काउन्टर पुगेको बैङ्कले जनाएको छ । जिल्लाको सूर्योदय नगरपालिका वडा नं १०मा थप गरिएको एक्सटेन्सन काउन्टर जिल्ला समन्वय समिति, इलामका उपप्रमुख चित्रकला बराइलीले उद्घाटन गरेको बैङ्क द्वारा जारी विज्ञप्तिमा भनिएको छ ।
अब त्यस क्षेत्रका सेवाग्राहीहरूले बैङ्कको एक्सटेन्सन काउन्टर मार्फत आफ्नो सम्पूर्ण बैङ्किङ कारोबारहरू सजिलैसङ गर्न सक्ने बताएको छ ।
सात लाख भन्दा बढी ग्राहकहरूलाई ११५ शाखाहरू मार्फत सेवा प्रदान गरिरहेको बैकको हालसम्म ९९ एटिएम रहेको बताएको छन् ।
बैङ्कले गत आषाढ मसान्त सम्म रु। ९६ अर्ब भन्दा बढी निक्षेप परिचालन गरी रु। ८७ अर्ब भन्दा बढी कर्जा लगानी गरिसकेको समेत जनाएको छ ।