एजेन्सी- बलिउडकी सुन्दरी ऐश्वर्या राय र अभिनेता अभिषेक बच्चनको विवाह भएको १२ वर्ष पूरा भइसकेको छ। छोटो समयको प्रेमपछि विवाह गरेको यो जोडी बलिउडमा उदाहरणीय जोडीको रुपमा लिइन्छ।
दुवैले ‘ढाई अक्षर प्रेम’, ‘कुछ न कहो’जस्ता सुपरहिट चलचित्रमा एकसाथ काम गरेका थिए। को–एक्टरभन्दा पनि यी दुई निकै असल साथी थिए। दुवैको केमेस्ट्री चलचित्रको पर्दामा निकै रुचाइयो। करिश्मा कपूरसँग इन्गेजमेन्ट टुटेका अभिषेक र सलमान र विवेक ओवरायसँग सम्बन्ध टुटाएकी ऐश्वर्याको भेटघाटले विवाहको रुप लिएको थियो।
‘बन्टी और बब्ली’ को सेटमा दुवैबीचको दूरी घटेको थियो। त्यसपछि गुरु, धुम–२ मा काम गरेपछि अझै उनीहरु झन् नजिकिएको भारतीय सञ्चार माध्यमहरु बताउँछन्। चलचित्र गुरुको प्रिमियरको दौरान अभिषेकले ऐश्वर्यालाई विवाहको प्रस्ताव राखेका थिए।
बच्चन परिवारको धार्मिक आस्थाका कारण र ऐश्वर्याको कुण्डली हेर्दा उनी मांगलिक भएको खुलेको थियो। त्यसैले बच्चन परिवारले पूर्ण रितीरिवाजका साथ ऐश्वर्याको विवाह पीपलको रुखसँग गराइदिए। त्यसपछि ऐश्वर्या र अभिषेकको विवाह भएको थियो।
क्याटेगोरी : कला शैली
थप समाचार
ताजा अपडेट
- १ आज राष्ट्रिय टोपी दिवस मनाइँदै
- २ इस्वी संवतको नयाँ वर्ष सन् २०२५ शुरु
- ३ तिहारका पाँच दिन यमपञ्चक
- ४ धन्वन्तरी जयन्ती एवं आरोग्यता दिवस मनाइँदै
- ५ वडा दशैँ अन्तरगत टिका थाप्ने कम्र आज पनि जारी
- ६ दशैँ चहलपहल शुरु :शुभसाइतको प्रतीक फूलपाती भित्र्याइँदै
- ७ आज घटस्थापना, घरघरमा जमरा राखिँदै
- ८ हरितालिका तिज मनाइँदै
प्रतिक्रिया दिनुहोस