कुनै समय थियो कृष्णप्रसाद पराजुलीको ‘राम्रो रचना, मीठो नेपाली’ नपढ्ने विद्यार्थी कमै थिए । कृष्णप्रसाद पराजुलीको उक्त किताबसँगै उनका बालकविता र गीतहरू नपढ्ने विद्यार्थी कमै छन् । २० को दशकदेखि अहिलेसम्म पराजुलीका रचना नीजि एवं सरकारी पाठ्डपुस्तकमा राखिएका छन् ।
पराजुलीको जन्म वि.सं. १९९२ साल असार २४ गते काभ्रेपलाञ्चोकको भ्रमरकोटमा भएको हो । उनले ‘साहित्यरत्न’ पूरा गरेका थिए र लामो समय प्राध्यापन गरे ।
उनले ‘पूर्व एक नम्बर’, ‘नेपाली शुद्ध लेखौं’, ‘आँखाभरि सपना मुटुभरि गीत’, ‘सय थुँगा फूल’, ‘सुनकेस्रा’, ‘राम्रो रचना मीठो नेपाली’ लगायतका कृति लेखेका छन् । साथै नेपाली शब्दकोश निर्माणमा उनको हस्तक्षेपकारी योगदान छ । उनै कविको जन्म दिवसको उपलक्ष्यमा उनको दुई कविता यहाँ प्रस्तुत गरिएको छ
आँखाभित्र बिलाउँदैन
आँखाभित्र बिलाउँदैन जति, भाषाभेष
म त आएँ विदेशबाट सम्झी आफ्नै देश
चिल्ला चौडा बाटा देखेँ
आकाश ताक्ने घर
जस्तो देखे पनि मैले
सम्झेँ गाउँघर
हामी उठौँ विकासमा छाड्नु प¥यो रेस
म त आएँ विदेशबाट सम्झी आफ्नै देश
सातै सागर तरी गएँ
पातालभूमि टेकेँ
छक्कै पार्ने झिलिमिली
संसार नौलो देखें
गोडा उनै, हात उनै– कामै गर्नु बेस
म त आएँ विदेशबाट सम्झी आफ्नै देश ।
०००
लाग्छ मलाई मीठो मधुपर्क
किन–किन लाग्छ मलाई मीठो मधुपर्क
फर्किएर जति हेरुँ मनमा हुन्छ हर्क !
जीवनमा रस घोल्दा
मान्छे बाँच्न सक्छ
नीरस जीवन राम्रो होइन
अन्त्य हुन पुग्छ….नबोलूँ म कसैसँग हेर्छु वर्षैवर्ष
किन–किन लाग्छ मलाई मीठो मधुपर्क !
कथा पनि देख्छु उसमा
गीत पनि सुन्छु
दुःखैबाट पनि नयाँ
जीवन रस चुम्छु
आइदिएछ भेट गर्ने बल्ल यौटा पर्व
किनकिन लाग्छ मलाई मीठो मधुपर्क !
क्याटेगोरी : कला शैली
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस