बजारमा ५ नयाँ पुस्तक

पछिल्लो साता बजारमा आएका पुस्तकमा देश सुब्बाको काव्य ‘सपना, कल्पना  र फूल महाकाव्य’, शीवा शाहको उपन्यास कान्छा महारानीको नेपाली अनुवाद, डा. अर्चना थापाको सम्पादनमा  ‘स्मृतिकथामा सत्त्व’ र विनोद न्यौपानेको ‘संघीयताको अर्थनीति’ बजारमा आएको छ ।

प्रयोगात्मक काव्य रहेको देश सुब्बाको ‘सपना, कल्पना र फूल’ इन्डिगो इन्कले प्रकाशन गरेको हो । इन्डिगोकै प्रकाशनमा निर्भीकजंग रायमाझी र सागर चन्दको लेखनमा सी चिनफिङको जीवनीको परिमार्जित संस्करण पनि बजारमा आएको छ ।

यस्तै शीवा शाहको अंग्रेजी उपन्यास ‘कान्छा महारानी’को सगुना शाहद्वारा गरिएको नेपाली अनुवाद सांग्रीला बुक्सले प्रकाशन गरेको छ । सांग्रीलाकै प्रकाशनमा स्थानीय विकास तथा संघीयता विज्ञ बिनोद न्यौपानेको ’संघीयताको अर्थराजनीति’ पनि  बजारमा आएको छ ।

लेखक अर्चना थापाको सम्पादनमा अक्षर क्रियसनले आत्मनुभूतिपरक लेख समेटिएको ‘स्मृतिकथामा सत्त्व’ प्रकाशन गरेको छ ।
पुस्तक पसल बन्द रहँदा अधिकांश प्रकाशन गृहले अनलाइनबाटै पुस्तक मगाएर होम डेलिभरीको व्यवस्था गरेका छन् ।