दशैं बिदाका लागि ‘इन्डिगो इन्क’ प्रकाशनका यी पाँच पुस्तक तपाईंका साथी बन्न सक्नेछन् । फरक-फरक विधाका यी पुस्तक पढेर तपाईं लामो बिदा कटाउन सक्नुहुनेछ । कोरोना कहरमा अध्ययनले तपाईंलाई उर्जा दिनेछ र आत्मविश्वास पनि ।
१. सपना कल्पना र फूल : देश सुब्बाको यो कविता संग्रह प्रयोगवादी काव्य हो । दर्शन, इतिहास र कल्पनाको प्रयोगमा लेखिएका कविता पाठकका लागि नयाँ स्वादको हुनेछ ।
२. कम्युनिष्ट स्कुल : मनहरि तिमल्सिनाद्वारा लिखित कम्युनिस्ट स्कुलले मार्क्सवादी दर्शनमा आधारित नेपालको राजनीतिमाथि प्रकाश पारेको छ । यसमा राष्ट्रिय, अन्तरराष्ट्रिय राजनीतिक कुराहरूको जानकारी पाइन्छ ।
३. छकालै : समकालीन २० जना युवा कथाकारको कथा रहेको यो संग्रह नेपाली साहित्यमा सबैभन्दा पछिल्लो पुस्ताले लेखेको कथा–किताब हो । ‘नवीन’को सम्पादन रहेको यो संग्रहमा नयाँ स्वादका, नयाँ जीवनका कथाहरू पढ्न पाइनेछ ।
४. सी चिनफिङको जीवनी : चीनका राष्ट्रपति सी चिनफिङ को हुन् ? भन्ने चासो सबैलाई छ । अघिल्लो वर्षको दशैंपछाडि उनले नेपालको भ्रमण गरेका थिए । उनै राष्ट्रपति सीको जीवन र राजनीतिक विषयमाथि लेखिएको यो पुस्तक दशैं बिदाका लागि उपयोगी छ ।
५. खोज्दै हिँड्दा आफैंलाई : एउटा युवा जो जीवनको चौथाइ शताब्दी बाँचेको उमेरमा छ । तर उसको सोच, विचार र चेतना तपाईंलाई मोहित पार्ने खालको छ । अजीव छ । युवाकवि निमेषराज सापकोटाको कवितासंग्रह ‘खोज्दै हिँड्दा आफैंलाई’ पढेर पाठकले आफ्ना पुराना दिनका सुमधुर कथा सम्झनेछन् ।
क्याटेगोरी : कला शैली
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस