एजेन्सी- भारतीय अभिनेता आसिफ बसरा हिमाचल प्रदेशको मैक्लोडगंजस्थित आफ्नो निजी निवासमा बिहीबार मृत अवस्थामा फेला परेका छन्। धर्मशालानजिक रहेको मैक्लोडगंज एक प्रसिद्ध पर्यटक स्थल पनि हो।
हिमांचल प्रदेशका प्रहरी महानिर्देशक संजय कुडूले आसिफको मृत्युको पुष्टि गरेका छन्। उनी बितेका पाँच वर्षदेखि मैक्लोडगंजमा बस्दै आएको प्रहरीले जनाएको छ।
आसिफले एक जना विदेशी महिला साथीसँग मिलेर त्यहाँ एक क्याफे र रेष्टुरेन्ट चलाउँदै आएका थिए। प्रहरीले आसिफले आत्महत्या गरेको हुनसक्ने आशंका गरेको छ।
५३ वर्षीय अभिनेता आसिफले पछिल्लो समय वेब सिरिज पाताल लोकमा काम गरेका थिए। यसअघि उनले सन् १९९३ को मुम्बई बम ब्लास्टमा आधारित फिल्म ‘ब्ल्याक फ्राइडे’ र सन् २००२ को गुजरात दंगामा आधारित फिल्म ‘परजानिया’मा काम गरेका थिए।
फिल्म निर्देशक हंसल मेहताले आसिफको मृत्युलाई ट्वीटरमार्फत् दुःखद् बताएका छन्। आसिफ बसराले जब वी मेट, काई पो चे, क्रिस, वन्स अपअन अ टाइम इन मुम्बईलगायतका फिल्ममा अभिनय गरेका थिए।
क्याटेगोरी : कला शैली
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस