करिनाको ४१ हजारको माक्स

भारतमा कोरोना संक्रमण भयावह रुपमा फैलिरहेका बेला अभिनेत्री करीना कपूरले आफ्ना प्रशंसकहरुलाई मास्क लगाउन र स्वास्थ्य सुरक्षाका विधा अपनाउन आग्रह गरेकी छन् ।

यसैबिच उनले लगाएको महंगो मास्क सामाजिक सन्जालमा चर्चाको विषय बनेको छ । हालै उनले कालो मास्क लगाएको एक तस्विर इन्स्टाग्राममा पोस्ट गर्दै लेखेकी छन्, ‘यो कुन प्रपोगन्डा होइन, अनिवार्य मास्क लगाउनुस् ।’

करीनाले लगाएको मास्कमा सेतो अक्षरमा ‘एलभी’ लेखिएको छ । जुन माक्स एक सिल्क पाउचसँग पाइने गरेको छ । ‘एलभी’ ब्रान्डको वेबसाइटमा यो मास्कको मुल्य अमेरिकी ३५५ डलर उल्लेख गरिएको छ । भारतको करेन्सीमा यो मास्कको मुल्य २६ हजार पर्छ भने नेपालमा ४१ हजारभन्दा बढी पर्दछ ।