रुपन्देही, ९ वैशाख /बुटवल उपमहानगरपालिकाले सडकमा पैदल हिँडेका यात्रुुलाई गन्तव्यमा पुु¥याउन थालेपछि सडकमा देखिन छाडेका छन्् । सडकमा अलपत्र तथा विभिन्न जिल्ला हिँडिरहेका मजदूरलाई खानाको व्यवस्था गरी गन्तव्यसम्म पु¥याउने गरी व्यवस्थापन गरेपछि सडक सुनसान देखिएको हो । यसअघि साँझ र बिहान मानिसको बढी चहलपहल हुने गरेको थियो । विभिन्न जिल्ला जाने मजदूर अलपत्र परेपछि उपमहानगरपालिकाको आलोचना हुने गरेको थियो ।
अलपत्र यात्रुलाई गन्तव्यसम्म पु¥याउनका लागि बुटवल धागो कारखाना अगाडि र पाल्पाको सिद्धबाबामा बस तयारी अवस्थामा राखिएको उपमहानगरपालिकाका प्रमुख शिवराज सुवेदीले जानकारी दिनुुभयो । उहाँले सम्बन्धित पालिकासँग समन्वय गरी यात्रु व्यवस्थापन गरिएको पनि बताउनुुभयो ।
अलपत्र अवस्थामा रहेकालाई खानाको व्यवस्था गरी गन्तव्यमा पु¥याउने काम भएपछि लकडाउनका बेला पैदलयात्रुुले राहत महसुस गरेका छन् । उपमहानगरपालिकाले चार दिनयता अलपत्र परेका करीब एक हजार तीन सय व्यक्तिलाई खाना खुवाएको छ । नेकपा बुटवल उपमहानगर कमिटी अध्यक्ष बाबुराम पन्थीले लकडाउनका बेला खान नपाएर कोही पनि भोकै बस्नु पर्दैन भन्दै यसका लागि पार्टीले स्थानीय सरकारसँग समन्वय गरिरहेको बताउनुुभयो ।
तामनगरको कोरियन टेक्निकल इन्ष्टिच्युुट परिसरमा अलपत्र परेका यात्रुका लागि खानाको प्रबन्ध गरिएको र यसका लागि पार्टीले समन्वय गरिरहेको पनि उहाँले जानकारी दिनुुभयो । लकडाउनका बेला अत्यावश्यक कामविना घरबाहिर ननिस्कन उहाँले नगरबासीलाई आग्रह गर्नुभयो । प्रातः र सायंकालीन भ्रमणका निहुँमा भीडभाड हुने गरेकाले उपमहानगरपालिकाले बिहान ८ बजेभन्दा पहिले र बेलुका ५ बजेपछि घरबाट ननिस्कन अनुरोध गरेको छ । साथै दैनिक अत्यावश्यक सामान मात्र बिहान ८ देखि बेलुका ५ बजेसम्म खरीदबिक्री गर्न दिने व्यवस्था गरिएको छ ।
क्याटेगोरी : समाज
थप समाचार
ताजा अपडेट
- १ आज भानु जयन्ती
- २ ग्रीन ‘टी’ले आयु बढाउन मदत गर्छ : अनुसन्धान
- ३ नयाँ वर्षः सुदूरपश्चिममा बिसु पर्व र पुतला खेलको रौनक
- ४ वायु प्रदूषणले बालबालिकाको मस्तिष्क विकासमा घातक असर
- ५ ब्ल्याक टी सेवन महिनावारीमा फाइदाजनक
- ६ बहुगुणी अदुवाको सेवनले गर्छ स्वास्थ्यको निम्ती यस्ता फाईदा
- ७ मानिस किन जागिर छाड्छन् ? यस्ता छन् ७ कारण
- ८ मुलाका फाइदाः मुटु रोगदेखि पाचन प्रणालीको समस्यासम्म मुक्ति
प्रतिक्रिया दिनुहोस