बारा जिल्लाको कलैयामा दुईजना बालकको घाँटी रेटेर हत्या गरेको आरोपमा एक जना पक्राउ परेको छ ।
कलैया उपमहानगरपालिका– ७ स्थित सरंगापुरका स्थानीय ९ वर्षीय उसमान अन्सारी र ७ वर्षीय अमिन अन्सारीको दुई जना बालकको हत्या आरोपमा फरमुल्लाह अन्सारीलाई बारा प्रहरीले पक्राउ गरेको हो ।
अवैध सम्बन्ध खुल्ने डरले कलैया उपमहानगरपालिका रंगपुरमा जेठ ३ गते राति अब्दुल गफार अन्सारीका ९ वर्षीय छोरा उसमान अन्सरी र ७ वर्षीय अमिन अन्सारीको घाँटी रेटेर हत्या भएको थियो । प्रहरीले अभियुक्तको घरबाट चक्कु र रगत लागेको पेटी बरामद गरेको छ । उनीविरुद्ध मुद्दा दर्ता गरेर थप अनुसन्धान सुरु गरेको बाराका प्रहरी नायव उपरीक्षक (डीएसपी) गौतम मिश्रले बताए ।
हराएको भोलिपल्ट कलैया उपमहानरपालिका ११ स्थित मदर्शा सलफिया कन्जलुमको निर्माणाधीन भवनको कोठामा शव फेला परेको थियो । बालकहरूको धारिलो हतियारले घाँटी रेटी हत्या गरेको पाइएपछि तालिमप्राप्त कुकुरसहितको विशेषज्ञ प्रहरी टोलीले घटनास्थलमा परिचालन गरि अभियुक्त पत्ता लगाएको हो ।
प्रहरीका अनुसार अब्दुल गफार अन्सारीको श्रीमतीसंग फरमुल्लाहको अवैध सम्बन्ध रहेको थियो । मृत्क बालकको बुवा अब्दुल गफार विगत ३ वर्षदेखि वैदेशिक रोजगारीमा छन् ।
केही समय यता अभियुक्त र मृतक बालकको आमाबीच प्रेम सम्बन्ध बनेको थियो । आफ्नी आमा र अभियुक्तबीचको सम्बन्धको विषयमा बालकलाई थाहा पाएपछि उनीहरुको हत्या भएको खुलेको प्रहरी अनुसन्धानबाट खुलेको छ । अभियुक्त फरमुल्लाहले पनि मृतक बालकको आमाबीचको सम्बन्धको विषयमा भेद खोल्ने डरले हत्या गरेको बयान दिएका छन् । बाराका प्रहरी नायव उपरीक्षक डीएसपी गौतम मिश्रले बताए ।
क्याटेगोरी : समाज
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस