दया फाउन्डेसनले विभिन्न सामुदायिक तथा सरकारी अस्पतालहरूलाई चिकित्सा उपकरणहरू सहयोग प्रदान गरेको छ । कोरोना महामारीको सङ्क्रमणको उपचारमा राहत पुर्याउने उद्देश्यले उपत्यकाका ९ अस्पताल तथा आइसोलेसन सेन्टरमा विभिन्न चिकित्सा सामाग्रीहरू सहयोग गरेको हो । टेकु अस्पताल, वीर अस्पताल, ट्रमा सेन्टर, क्षेत्र पाटी निःशुल्क चिकित्सालय, भक्तपुर क्यान्सर अस्पताल, त्रिवि शिक्षण अस्पताल, पाटन अस्पताल, नेपाल एम्बुलेन्स सर्भिस र आनन्द कुटी आइसोलेसन सेन्टरमा ६ थान हाई फ्लो नेशल क्यानुला, ५ थान ५ लिटरको अक्सिजन कन्सन्ट्रेटर, १० थान १० लिटरको अक्सिजन कन्सन्ट्रेटर, १५ थान थर्मल गन, १५ थान अक्सिमिटर साथै १००० थान सुरक्षा किट (पिपिई, फेससिल्ड, स्यानिटाइजर, मास्क, पन्जा) प्रदान गरेको बताएको छ ।
कोभिड–१९ को कारणले सिङ्गो राष्ट्र स्वास्थ्य सङ्कटमा परेको यस विषम घडीमा थोरै नै भए पनि सहयोग गर्न पाएकोमा फाउन्डेसनले खुसी व्यक्त गरेको छ । फाउन्डेसनका अध्यक्ष राजेश प्रधानले निजी क्षेत्रले पनि यस विषम परिस्थितिमा अग्रसर हुनु पर्ने कुरा पनि बताए ।
फाउन्डेसनले कोरोना महामारीको उपचारमा सहयोग पुर्याउन विविध स्वास्थ्य उपकरणहरू उपलब्ध गराउनुका साथै सङ्क्रमितको उपचारमा संलग्न रहँदै आएका जनशक्तिको क्षमता अभिवृद्धिका लागि पनि विभिन्न तालिमहरूका लागी आयोजना गरिने बताएको छ ।
क्याटेगोरी : समाज
थप समाचार
ताजा अपडेट
- १ तनाव दुनियाँमा छँदै छैन, यो कृतिम सिर्जना हो
- २ वायु प्रदूषणले बालबालिकाको मस्तिष्क विकासमा घातक असर
- ३ नेपालमा फार्मेसी पेशाको विकास क्रम र आजको अवस्था
- ४ खलिल जिब्रानलाई पढ्नु भनेको राम्रो डाक्टरलाई भेट्नु जस्तै हो
- ५ ग्रीन ‘टी’ले आयु बढाउन मदत गर्छ : अनुसन्धान
- ६ मिर्गौलाको पथ्थरीले हड्डी फ्याक्चर हुने खतरा
- ७ ‘तपाईलाई प्रेसर लो’ हुने समस्या छ ? खानुहोस् यी खानेकुरा
- ८ आज राष्ट्रिय टोपी दिवस मनाइँदै
प्रतिक्रिया दिनुहोस